តំណាងប្រជាជនច្រើននៃសភាចិនជាច្រើនរូបបានកត់សម្គាល់ថា ការធ្វើវិសោធនកម្មរដ្ឋធម្មនុញ្ញជាវិធានការដ៏សំខាន់សម្រាប់ជំរុញការធ្វើឲ្យប្រទេសមាននីតិរដ្ឋ ជំរុញប្រព័ន្ធអភិបាលកិច្ចជាតិព្រមនិងធ្វើទំនើបកម្មលើសមត្ថភាពអភិបាលកិច្ច ពោលគឺមានសារៈសំខាន់ណាស់ ។
ក្នុងចំណោមសំណើអំពីការធ្វើវិសោធនកម្មចំនួន ២១មាត្រានៃសេចក្តីព្រាងច្បាប់ធ្វើវិសោធនកម្មរដ្ឋធម្មនុញ្ញ មានចំនួន ១១ មាត្រាពាក់ព័ន្ធនឹងគណៈកម្មាធិការអធិការកិច្ច ។ តំណាងប្រជាជនចិនបានសម្គាល់ថា ការផ្តល់ឋានៈក្នុងរដ្ឋធម្មនុញ្ញដល់គណៈកម្មាធិការអធិការកិច្ចវាមុខជានឹងជំរុញការប្រយុទ្ធប្រឆាំងអំពើពុករលួយ ក៏ដូចជាកិច្ចកសាងឥរិយាបថបក្សនិងភាពស្អាតស្អំនៃនយោបាយរបស់ប្រទេសចិនឲ្យឈានចូលដំណាក់កាលថ្មីនៃប្រវតិ្តសាស្រ្តជាពុំខាន ។
ទាក់ទិននឹងមាត្រាមួយនៃសេចក្តីព្រាងច្បាប់ធ្វើវិសោធនកម្មលើរដ្ឋធម្មនុញ្ញបានលុបចោលការកំណត់ពីអាណាត្តិភាពរបស់ប្រធានរដ្ឋ តំណាងប្រជាជនបានសម្គាល់ថា រឿងនេះមានអំណោយផលដល់ការគាំពារកិត្យានុភាពនិងការដឹកនាំជាឯកភាពនៃមជ្ឈិមបក្សដែលមានលោកស៊ី ជីនភីងប្រធានរដ្ឋចិនជាប្រធានស្នូល ក៏ដូចជាមានអំណោយផលដល់ការពង្រឹងនិងកែលម្អប្រព័ន្ធរបបដឹកនាំនៃប្រទេសជាតិផងដែរ ៕