មហាសន្និបាតលើកទី ១ នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី ១៣ កំពុងប្រារព្ធធ្វើនៅក្រុងប៉េកាំង គណបក្សប្រជាធិបតេយ្យនានាបានចូលរួមយ៉ាងសកម្មក្នុងការពិគ្រោះពិភាក្សាអំពីកិច្ចការនយោបាយជាតិ ។ ក្នុងនោះ មជ្ឈិមបក្សZhi Gong ចិនបានលើកសេចក្តីស្នើច្បាប់ស្តីពីកិច្ចកសាងប្រព័ន្ធបង្ការនិងគ្រប់គ្រងជំងឺនៅប្រទេសចិន-អាស៊ានក្រោមបរិការណ៍នៃគំនិតផ្តួចផ្តើមអំពី"ខ្សែក្រវាត់មួយនិងផ្លូវមួយ" ។ ពេលផ្តល់បទសម្ភាសន៍ជាមួយអ្នកសារព័ត៌មាននៃវិទ្យុអន្តរជាតិចិន លោកWang Qiping អគ្គនាយករងនៃផ្នែកចូលរួមសកម្មភាពនយោបាយនិងពិភាក្សាកិច្ចការនយោបាយនៃបក្ស Zhi Gong ចិនបានថ្លែងថា សេចក្តីស្នើច្បាប់មួយនេះបានស្នើឲ្យពន្លឿនថែមទៀតនូវការកសាងយន្តការសហប្រតិបត្តិការពាក់ព័ន្ធចាប់ពីថ្នាក់រដ្ឋតែម្តង ក្នុងន័យបង្កើនកិច្ចផ្លាស់ប្តូរនិងកិច្ចសហប្រតិបត្តិការរវាងទ្វេភាគីលើវិស័យបង្ការនិងគ្រប់គ្រងជំងឺឆ្លង លើកកម្ពស់សមត្ថភាពបង្ការនិងគ្រប់គ្រងជំងឺឆ្លងរបស់បណ្តាប្រទេសនានា ក្នុងន័យធានាដល់សុខភាពនិងសុវត្ថិភាពអាយុជីវិតរបស់ប្រជាពលរដ្ឋ ។
 |  |  |  |  |  |
