ពេលអធិប្បាយអំពីកិច្ចសហប្រិបត្តិការខ្សែក្រវាត់មួយនិងផ្លូវមួយក្នុងសន្និសីតកាសែត នៃមហាសន្និបាតលើកទី១នៃសភាតំណាងប្រជាជនទូទាំងប្រទេសចិននីតិកាលទី១៣ កាលពីថ្ងៃទី៨ខែមីនា លោកវ៉ាងអ៊ីរដ្ឋមន្រ្តីការបរទេសចិនបានថ្លែងថា ក្នុងកិច្ចសហប្រតិបត្តិការនេះគ្មានប្រទេសណាមួយជាធំលើសគេនោះទេ តែគឺបណ្តាភាគីនានាចូលរួមដោយសមភាព គ្មានល្បិចបន្លំអ្វីទាំងអស់ តែគឺប្រកាន់ខ្ជាប់នូវភាពបើកចំហនិងតម្លាភាព ហើយក៏គ្មានរឿងដែលអ្នកឈ្នះទទួលបានផលប្រយោជន៍ទាំងស្រុងនោះដែរ តែគឺសែ្វងរកផលប្រយោជន៍រួមនិងឈ្នះ-ឈ្នះ។
លោកវ៉ាងអ៊ីបានថ្លែងទៀតថា គំនិតផ្តួចផ្លើមខ្សែក្រវាត់មួយនិងផ្លូវមួយគឺជាគំនិតផ្តួចផ្តើមភ្លឺស្វាងដូចពន្លឺព្រះអាទិត្យដែលប្រទេសចិនបានលើកឡើង ការរួមគ្នាពិភាក្សា រួមគ្នាកសាងនិងចែករំលែកគឺជាគោលការណ៍មាសសម្រាប់ជំរុញគំនិតផ្តួចផ្លើមខ្សែក្រវាត់មួយនិងផ្លូវមួយ វាបានសម្រេចពីសមភាព ភាពបើកចំហនិងភាពទទួលបានប្រយោជន៍ជាទូទៅដ៏ច្បាស់លាស់នៃកិច្ចសហប្រតិបត្តិការផ្នែកគំនិតផ្តួចផ្លើមខ្សែក្រវាត់មួយនិងផ្លូវមួយ៕
