ថ្ងៃទី៥ខែមីនា ក្រសួងហិរញ្ញវត្ថុចិនបានបង្ហាញរបាយការណ៍ស្តីពីសភាពការណ៍អនុវត្តថវិកាមជ្ឈិមនិងតំបន់ប្រចាំ ឆ្នាំ ២០១៧និងសេចក្តីព្រាងស្តីពីថវិកាមជ្ឈិមនិងតំបន់ប្រចាំឆ្នាំ២០១៨ក្នុងមហាសន្និបាតនៃសភាតំណាងប្រជាជនទូទាំងប្រទេសចិននីតិកាលទី១៣ថា ក្នុងឆ្នាំ២០១៨ ថវិកាការពារជាតិរបស់ប្រទេសចិននឹងកើនឡើង៨,១% ស្មើនឹងមានចំនួន១លាន១សែន៦ពាន់៩រយ៥១លានយាន់ប្រាក់ចិន។
ក្នុងឆ្នាំមុនៗ ថវិកាការពារជាតិរបស់ប្រទេសចិនជាចំណុចពិភាក្សាដ៏ក្តៅមួយក្នុងអំឡុងពេលបើកធ្វើមហាសន្និបាតនៃសភាទាំងពីរ។ កាលពីថ្ងៃទី៨ខែមីនា លោកហ៊ើឡីអនុប្រធានបណ្ឌិត្យសភាវិទ្យាសាស្រ្តយោធាចិននិងជាសមាជិកនៃ សភាតំណាងប្រជាជនទូទាំងប្រទេសចិនបានថ្លែងនៅក្រុងប៉េកាំងថា សមាមាត្រនៃថវិកាការពារជាតិចិនក្នុងGDP និងថវិកាការពារជាតិជាមធ្យមក្នុងយោធិនម្នាក់ៗក៏ដូចជាចំនួនថវិកាការពារជាតិជាមធ្យមក្នុងប្រជាពលរដ្ឋម្នាក់ៗគឺមានកម្រិតទាបបង្គួរបើធៀបនឹងប្រទេសផ្សេងទៀត៕
