ពេលថ្លែងដល់សន្និសីទកំពូលនៃអង្គការសហប្រតិបត្តិការសៀងហៃក្រុងឈីងតាវកាលពីថ្ងៃទី៨ខែមីនា លោកវ៉ាងអ៊ីរដ្ឋមន្រ្តីការបរទេសចិនបានមានប្រសាសន៍ថា ប្រទេសចិននឹងធ្វើការខិតខំប្រឹងប្រែងរួមជាមួយបណ្តាភាគីពាក់ព័ន្ធនានា ក្នុងន័យជំរុញសន្និសីទកំពូលលើកនេះឲ្យសម្រេចបានគោលដៅ៣ធំៗគឺបង្កើនការបណ្តុំកម្លាំង លើកកម្ពស់សមត្ថភាពប្រតិបត្តិនិងពង្រីកកម្លាំងឥទិ្ធពល ដើម្បីធ្វើឲ្យសន្និសីទកំពូលនៅក្រុងឈីងតាវក្លាយជានិមិត្តសញ្ញាថ្មីក្នុងដំណើរអភិវឌ្ឍន៍នៃអង្គការសហប្រតិបត្តិការសៀងហៃ ហើយចាប់ដំណើរការនូវយុគសម័យថ្មីនៃអង្គការក្នុងតំបន់បែបថ្មីនេះ៕
សូមបញ្ជាក់ថា សន្និសីទកំពូលអង្គការសហប្រតិបត្តិការសៀងហៃនឹងបើកធ្វើនៅក្រុងឈីងតាវប្រទេសចិននៅខែមិថុនាខាងមុខនេះ គឺជាសន្និសីទកំពូលលើកទី១បន្ទាប់ពីអង្គការនេះបានពង្រីកចំនួនសមាជិករបស់ខ្លួន៕