ព្រឹកថ្ងៃទី ៨ នៅក្រុងប៉េកាំង លោក វ៉ាងយី រដ្ឋមន្ត្រីការបរទេសចិនបានថ្លែងថា កិច្ចការទូតរបស់ប្រទេសចិនក្នុងយុគសម័យថ្មីនឹងបង្កើតជាបរិយាកាសខាងក្រៅកាន់តែល្អសម្រាប់ការអភិវឌ្ឍរបស់ប្រទេសចិន ហើយក៏នឹងផ្តល់កម្លាំងចលករកាន់តែច្រើនដល់បុព្វហេតុចម្រុងចម្រើនរបស់មនុស្សជាតិផងដែរ ។
ព្រឹកថ្ងៃដដែល ក្នុងសនិ្នសីទសារព័ត៌មាននៃរដ្ឋមន្ត្រីការបរទេសដែលរៀបចំធ្វើនៅមជ្ឈមណ្ឌលព័ត៌មាននៃមហាសន្និបាតលើកទី១នៃសភាតំណាងប្រជាជនទូទាំងប្រទេសចិននីតិកាលទី ១៣ លោកវ៉ាងយីបានឲ្យដឹងថា ការងារគួរឲ្យកត់សម្គាល់នៃកិច្ចការទូតរបស់ប្រទេសចិនក្នុងឆ្នាំនេះគឺនឹងរៀបចំធ្វើសកម្មភាពទ្រង់ទ្រាយធំនៅប្រទេសចិន រួមមាននៅខែមេសា នឹងរៀបចំធ្វើសនិ្នសីទប្រចាំឆ្នាំនៃវេទិកាអាស៊ីក្រុងបួរអៅនៅខេត្តហៃណាន ខែមិថុនា នឹងរៀបចំធ្វើសនិ្នសីទកំពូលនៃអង្គការសហការប្រតិបតិ្តសៀងហៃនៅក្រុងឈីងដៅ ខែកញ្ញា នឹងរៀបចំធ្វើសនិ្នសីទកំពូលនៃវេទិកាអំពីកិច្ចសហប្រតិបតិ្តការរវាងចិននិងអាហ្វ្រិកនៅក្រុងប៉េកាំង ហើយនៅខែធ្នូ នឹងរៀបចំជាលើកដំបូងនូវពិព័រណ៍នាំចូលចិនអន្តរជាតិនៅក្រុងសៀងហៃ ៕