ថ្ងៃទី ៧ ខែមីនា លោកGeng Shuang អ្នកនាំពាក្យនៃក្រសួងការបរទេសចិនបានថ្លែងថា តើគំនិតផ្តួចផ្តើមអំពី"ខ្សែក្រវាត់មួយនិងផ្លូវមួយ"វាល្អឬអត់? ប្រជាជននៃប្រទេសដែលចូលរួមកិច្ចកសាងគំនិតផ្តួចផ្តើមនេះមានសិទ្ធិក្នុងការបញ្ចេញមតិជាងគេ។ ប្រទេសចិនជឿជាក់ថា ប្រទេសដែលចូលរួមកិច្ចកសាងគំនិតផ្តួចផ្តើម"ខ្សែក្រវាត់មួយនិងផ្លូវមួយ"ប្រាកដជាបានគិតគូតពីផលប្រយោជន៍របស់ខ្លួន ហើយជ្រើសរើសនិងធ្វើការសម្រេចចិត្តទៅតាមតម្រូវការនៃការអភិវឌ្ឍរបស់ខ្លួនជាពុំខាន ។ ការថ្លែងបែបនេះគឺឆ្លើយតបនឹងការផ្សាយដំណឹងថា ពេលថ្មីៗកន្លងមកនេះ មជ្ឈមណ្ឌលអភិវឌ្ឍន៍ជាសកលដែលជាធនាគារគំនិតនៅក្រុងវ៉ាស៊ីនតោនអាមេរិកបានចេញរបាយការណ៍ថា ប្រាក់ឥណទាននៃគំនិតផ្តួចផ្តើម"ខ្សែក្រវាត់មួយនិងផ្លូវមួយ"របស់ប្រទេសចិននឹងបង្កើនយ៉ាងខ្លាំងនូវហានិភ័យបំណុលរបស់ប្រទេសជាច្រើនដូចជាប្រទេសប៉ាគីស្ថាននិងម៉ុងតេណេហ្គ្រោជាដើម ៕