ព្រឹកថ្ងៃទី៧ខែមីនា ថ្នាក់ដឹកនាំបក្សនិងរដ្ឋចិនសំខាន់ៗមានលោកស៊ីជីនភីងប្រធានរដ្ឋចិន លោកលីខឺឈាងនាយករដ្ឋមន្រ្តីចិន លោកLi Zhanshu លោកWang Yang លោកWang Hu ning លោកZhao LejiលោកHan Zhengជាដើមដែលជាសមាជិកអចិន្រ្តៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានចូលរួមដោយឡែកពីគ្នាក្នុងកិច្ចប្រជុំពិភាក្សានៃគណៈប្រតិភូតំណាងប្រជាជនមួយចំនួនដែលចូលរួមមហាសន្និបាតលើកទី១នៃសភាតំណាងប្រជាជនទូទាំងប្រទេសចិននីតិកាលទី១៣។
ពេលចូលរួមកិច្ចប្រជុំពិភាក្សានៃគណៈប្រតិភូតំណាងប្រជាជនខេត្តចឺជាំង លោកលីខឺឈាងបានថ្លែងថា សេចក្តីស្នើច្បាប់ស្តីពីការធ្វើវិសោធនកម្មរដ្ឋធម្មនុញ្ញលើកនេះគឺជាវិធានការដ៏ធំនិងសំខាន់មួយសម្រាប់ការអនុវត្តស្មារតីនៃសមាជបក្សកុម្មុយនិស្តចិនលើកទី១៩និងប្រកាន់ខ្ជាប់ការធ្វើអភិបាលកិច្ចជាតិតាមរដ្ឋធម្មនុញ្ញនិងការកាន់អំណាចតាមរដ្ឋធម្មនុញ្ញ លោកគាំទ្រទាំងស្រុងចំពោះសេចក្តីព្រាងច្បាប់អំពីការធ្វើវិសោធនកម្មរដ្ឋធម្មនុញ្ញ៕