៩ , លើកកម្ពស់កម្រិតធានានិងកែលម្អជីវភាពរស់នៅរបស់ប្រជាជន។
ផ្តោតសំខាន់ទៅលើការជំរុញការប្រកបអាជីពនិងបង្កើតមុខរបរ ។ ឆ្នាំ២០១៨ និស្សិតបញ្ចប់ការសិក្សានៅសាលាឧត្តមសិក្សាមានជាង ៨ លាន ២ សែននាក់ ដូច្នេះត្រូវជំរុញពួកគេឲ្យប្រកបអាជីពតាមគ្រប់មធ្យោបាយ គាំទ្រពួកគេឲ្យបង្កើតមុខរបរផ្ទាល់ខ្លួន ដើម្បីជំរុញការប្រកបអាជីព ។
បង្កើនប្រាក់ចំណូលរបស់ប្រជាជនក្នុងភាពនឹងនរ។
អភិវឌ្ឍការអប់រំប្រកបដោយភាពយុត្តិធម៌និងមានគុណភាព ។ ជំរុញធ្វើសមាហរណកម្មនៃការអប់រំជាកាតព្វកិច្ចតាមទីក្រុងនិងជនបទ ការទម្លាក់ថវិកាផ្នែកអប់រំបន្តផ្តោតទៅលើតំបន់មានភាពលំបាកនិងដំណាក់កាលមានភាពទន់ខ្សោយ ។
អនុវត្តយុទ្ធសាស្ត្រសុខភាពល្អនៃប្រទេសចិន ។ ស្តង់ដារឧបត្ថម្ភផ្នែកហិរញ្ញវត្ថុនៃការធានារ៉ាប់រងផ្នែកសុខាភិបាលមូលដ្ឋានរបស់ប្រជាជនគិតជាមធ្យមនឹងកើនឡើង ៤០ យាន់ប្រាក់ចិនក្នុងមនុស្សម្នាក់ៗ ។
ដោះស្រាយឲ្យបានល្អនូវបញ្ហាលំនៅដ្ឋានរបស់ប្រជាជន ។
បង្កើនការធានាដល់ជីវភាពរស់នៅកម្រិតទាបបំផុតរបស់ប្រជាជន ។ ខំប្រឹងប្រែងឲ្យអស់ពីលទ្ធភាពដើម្បីធ្វើការងារធានាកម្រិតជីវភាពអប្បបរមាឲ្យបានល្អ ធ្វើឲ្យមនុស្សគ្រប់រូបដែលកំពុងជួបប្រទះភាពលំបាកទទួលបានការយកចិត្តទុកដាក់និងភាពកក់ក្តៅពីសង្គម ។
បង្កើតនិម្មាបនកម្មគ្រប់គ្រងសង្គមដែលរួមគ្នាកសាង គ្រប់គ្រងជាមួយគ្នានិងចែករំលែក។ ធ្វើឲ្យមានភាពល្អពេញលេញនូវប្រព័ន្ធស្វយ័តរបស់មហាជននៅមូលដ្ឋាន ដើម្បីបង្កើនការគ្រប់គ្រងក្នុងសហគមន៍ ។