៧ ពង្រីកយ៉ាងសកម្មនូវការប្រើប្រាស់របស់ប្រជាជននិងជំរុញការវិនិយោគដោយមានប្រសិទ្ធភាព ។
បង្កើនការប្រើប្រាស់របស់ប្រជាជនដើម្បីជំរុញការអភិវឌ្ឍសេដ្ឋកិច្ច ។ ពន្យារបន្ថែមរយៈពេល ៣ ឆ្នាំទៀតនៃគោលនយោបាយអនុគ្រោះសម្រាប់ការទិញរថយន្តដើរដោយថាមពលថ្មី លុបបំបាត់ចោលទាំងស្រុងនូវគោលនយោបាយដាក់កំហិតលើរថយន្តមួយទឹក ។ គាំទ្រកម្លាំងសង្គមស៊ីវិលសម្រាប់បង្កើនការផ្គត់ផ្គត់សេវាកម្មជាច្រើនដូចជាសុខាភិបាល ការចញ្ចឹមជីវិតក្នុងវ័យជរា ការអប់រំ វប្បធម៌និងកីឡាជាដើម ។ បង្កើតតំបន់ទេសចរណ៍គំរូ បញ្ចុះតម្លៃសំបុត្រចូលទស្សនារមណីយដ្ឋានកម្មសិទ្ធិរដ្ឋសំខាន់ៗ និងជំរុញការទិញទំនិញតាមអនឡាញនិងការដឹកជញ្ជូនទំនិញរហ័សឲ្យទទួលបានការវិវឌ្ឍរីកចម្រើនដោយរឹងមាំ ។
ជំរុញឲ្យការវិនិយោគដើរតួនាទីសំខាន់ក្នុងការធ្វើឲ្យមានភាពល្អពេញលេញនូវរចនាសម្ព័ន្ធផ្នែកផ្គត់ផ្គង់ ។ ឆ្នាំ២០១៨នេះនឹងទម្លាក់ថវិការលើវិស័យផ្លូវដែកចំនួន ៧ សែន ៣ ម៉ឺន ២ ពាន់លានយាន់ប្រាក់ចិន បណ្តាក់ទុនលើការដឹកជញ្ជូនតាមផ្លូវទឹកនិងផ្លូវថ្នល់ប្រមាណ ១,៨ ទ្រីលានយាន់ប្រាក់ចិន ទំហំទឹកប្រាក់ប្រើលើវិស្វកម្មធារាសាស្ត្រដែលកំពុងសាងសង់មានដល់ទៅ ១ ទ្រីលានយាន់ប្រាក់ចិន ។ ការកសាងហេដ្ឋារចនាសម្ព័ន្ធសំខាន់ៗនឹងបន្តផ្តោតទៅលើតំបន់ភាគកណ្តាលនិងភាគខាងលិចទៀត ។