៦ ជំរុញយ៉ាងប្រាកដប្រជានូវយុទ្ធសាស្ត្រអភិវឌ្ឍន៍ដោយស៊ីចង្វាក់គ្នាតាមតំបន់ ។ ធ្វើឲ្យមានភាពល្អពេញលេញនូវគោលនយោបាយអភិវឌ្ឍន៍តាមតំបន់ ជំរុញសេវាកម្មសាធារណៈមូលដ្ឋានឲ្យមានសមភាព ដើម្បីកាត់បន្ថយគម្លាតអភិវឌ្ឍន៍រវាងទីក្រុងនិងជនបទជាបណ្តើរៗ និងជំរុញឲ្យឧត្តមភាពនិងសក្តានុពលនៅគ្រប់តំបន់អាចដើរតួនាទីរៀងៗខ្លួន ។
បង្កើតនិម្មាបនកម្មអភិវឌ្ឍថ្មីក្នុងតំបន់ ។ ផ្តោតសំខាន់ទៅលើការបន្ធូរបន្ទុករដ្ឋធានីប៉េកាំង ជំរុញការអភិវឌ្ឍដោយស៊ីចង្វាក់គ្នារវាងក្រុងប៉េកាំង ក្រុងធានជីននិងខេត្តហឺពៃ កំណត់ផែនការនិងស្តង់ដារខ្ពស់សម្រាប់កសាងខណ្ឌស្យុងអានថ្មី ។ ចាត់ទុកការអភិវឌ្ឍបៃតងជាអាទិភាពដើម្បីដឹកនាំការអភិវឌ្ឍតំបន់ក្រវាត់សេដ្ឋកិច្ចតាមបណ្តោយទន្លេយ៉ង់សេ។
លើកកម្ពស់គុណភាពធ្វើនគូរូបនីយកម្មបែបថ្មី។ ឆ្នាំ២០១៨នេះនឹងបន្ថែមចំនួនប្រជាជនជនបទចុះបញ្ជីគ្រួសារក្នុងក្រុងចំនួន ១ សែន ៣ លាននាក់ទៀត ពន្លឿនការជំរុញឲ្យកសិករចំណាកស្រុកក្លាយជាអ្នកក្រុង ។ ឲ្យអាទិភាពលើការអភិវឌ្ឍគមនាគមន៍សាធារណៈ ធ្វើឲ្យមានភាពល្អពេញលេញនូវបរិក្ខារសេវាកម្មដែលផ្តល់ភាពងាយស្រួលដល់ប្រជាជន ដូចជា ផ្សារបន្លែនិងកន្លែងចតឡានជាដើម ។
