បន្តលុបបំបាត់ការផ្គត់ផ្គងដែលឥតប្រយោជន៍ ។ ឆ្នាំ២០១៨នេះនឹងបន្តកាត់បន្ថយផលិតភាពដែកថែបប្រមាណ ៣០ លានតោនថែមទៀត កាត់បន្ថយផលិតភាពធ្យូងថ្មប្រមាណ ១ រយ ៥០ លានតោន ជម្រុះចោលនិងបិទក្រុមមាស៊ីនអគ្គីសនីដើរដោយថាមពលធ្យូងថ្មក្រោមកម្លាំង ៣ សែនគីឡូវ៉ាត់ ។
កាត់បន្ថយពន្ធដារសហគ្រាសថែមទៀត ។ ផ្តោតសំខាន់ទៅលើអត្រាពន្ធដារឧស្សាកម្មផលិតកម្ម ព្រមនិងគមនាគមន៍ដឹកជញ្ជូន ។ កាត់បន្ថយពន្ធដារជាង ០,៨ទ្រីលានយាន់ប្រាក់ចិនរបស់សហគ្រាសនិងឯកជនក្នុងឆ្នាំ២០១៨ ដើម្បីជំរុញការផ្លាស់ប្តូរនិងលើកកម្ពស់លំដាប់ថ្នាក់នៃសេដ្ឋកិច្ចពិត ខំប្រឹងប្រែងបំផុសកម្លាំងចលករក្នុងទីផ្សារនិងកម្លាំងច្នៃប្រឌិតក្នុងសង្គម ។
ខំប្រឹងប្រែងកាត់បន្ថយបន្ទុកមិនមែនពន្ធដាររបស់សហគ្រាស ។ លុបបំបាត់ចោលនិងធ្វើឲ្យមានបទដ្ឋាននូវថ្លៃសេវារដ្ឋបាលថែមទៀត សម្រួលបញ្ចុះស្តង់ដារកែនមូលនិធិក្នុងលក្ខណៈរដ្ឋាភិបាលមួយចំនួន ដើម្បីកាត់បន្ថយបន្ទុកមិនមែនពន្ធដាររបស់អង្គភាពសេដ្ឋកិច្ចក្នុងទីផ្សារគិតជាទំហំទឹកប្រាក់ជាង០,៣ទ្រីលានយាន់បា្រក់ចិននៅទូទាំងឆ្នាំ ។