ខំប្រឹងប្រែងអភិវឌ្ឍកម្លាំងចលករ ។ ធ្វើឲ្យឧស្សាហកម្មងើបឡើងថ្មីមានភាពរឹងមាំនិងខ្លាំងក្លា បង្កើនការស្រាវជាវ ផលិតនិងប្រើប្រាស់ភាពឆ្លាតវៃសិប្បនិមិត្តជំនាន់ថ្មី ។ ខំប្រឹងប្រែងលើកកម្ពស់កម្រិតឧស្សាហកម្មប្រពៃណី បង្កើនល្បឿននិងបញ្ចុះតម្លៃអ៊ីធើណែត ដើម្បីជំរុញដល់ការកសាងប្រទេសចិនឌីជីថល ។
ពន្លឿនការកសាងជាប្រទេសផលិតកម្មខ្លាំងក្លា ។ ជំរុញការអភិវឌ្ឍឧស្សាហកម្មសៀគ្វីរួមបញ្ចូលគ្នា ទូរគមនាគមន៍ចល័តជំនាន់ទី ៥ មាស៊ីនបញ្ឆេះយន្តហោះ រថយន្តថាមពលថ្មី និងសម្ភារថ្មីជាដើម ដាក់ចេញវិស្វកម្មពិសេសដើម្បីលើកកម្ពស់បរិក្ខារសំខាន់ដែលមានភាពទន់ខ្សោយ ។ បើកយុទ្ធនាការលើកកម្ពស់គុណភាពដោយគ្រប់ជ្រុងជ្រោយ ជំរុញឲ្យដើរស្របនឹងស្តង់ដារជឿនលឿនរបស់អន្តរជាតិ ផ្សាយទូលាយស្មារតីជាងឆ្នើម ដើម្បីធ្វើបដិវត្តន៍គុណភាពផលិតផលចិន ។