ធ្វើការងារឆ្នាំនេះឲ្យបានល្អ ត្រូវតែអនុវត្តយ៉ាងផ្ចិតផ្ចង់នូវគំនិតសេដ្ឋកិច្ចសង្គមនិយមដែលមានលក្ខណៈពិសេសចិនក្នុងយុគសម័យថ្មីរបស់លោកស៊ីជីនភីង ប្រកាន់ខ្ជាប់និន្នាការទូទៅនៃការងារដែលស្វែងរកវឌ្ឍនភាពក្នុងភាពនឹងនរ ត្រូវតែផ្តោតសំខាន់លើចំណុចដូចខាងក្រោម៖ ១ គឺខិតខំជំរុញការអភិវឌ្ឍប្រកបដោយគុណភាពខ្ពស់ ខិតខំដោះស្រាយបញ្ហាអតុល្យភាពនិងមិនល្អពេញលេញក្នុងការអភិវឌ្ឍ ប្រកាន់ខ្ជាប់ការចាត់ទុកគុណភាពជាចម្បង ប្រសិទ្ធភាពជាអាទិភាព ជំរុញឲ្យរចនាសម្ព័ន្ធសេដ្ឋកិច្ចមានភាពល្អប្រសើរនិងត្រូវបានលើកកម្ពស់ ។ ត្រូវតែគោរពតាមក្បួនខ្នាតសេដ្ឋកិច្ច ធានាឲ្យដំណើរការប្រតិបត្តិសេដ្ឋកិច្ចស្ថិតក្នុងកម្រិតសមរម្យ ។ ២គឺបង្កើនកម្លាំងធ្វើកំណែទម្រង់និងបើកចំហ ។ ជំរុញស្មារតីច្នៃប្រឌិតរបស់ប្រជាជន លើកទឹកចិត្តឲ្យតំបន់នានាឈរលើមូលដ្ឋានការពិតជាក់ស្តែង ហ៊ានសាកល្បង ហ៊ានប្រឈមនឹងការលំបាក ជំរុញកំណែទម្រង់និងការបើចំហឲ្យរីកវិវឌ្ឍចម្រើនឥតឈប់ឈរ ។ ៣គឺធ្វើការងារឲ្យបានល្អប្រសើរប្រយុទ្ធជាមួយឧបសគ្គនៃវិស័យធំៗទាំង ៣ ក្នុងការកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ ។ ធានាដល់ការគ្រប់គ្រងហានិភ័យដោយមានប្រសិទ្ធភាព ធានាឲ្យភារកិច្ចជម្នះឧបសគ្គក្នុងការចាកផុតពីភាពក្រីក្របានបញ្ចប់ដោយគ្រប់ជ្រុងជ្រោយ ធានាឲ្យគុណភាពបរិស្ថានត្រូវបានកែលំអជាទូទៅ ។ ត្រូវប្រកាន់ខ្ជាប់គំនិតអភិវឌ្ឍន៍ដែលចាត់ទុកប្រជាជនជាសំខាន់ ខិតខំឲ្យអស់ពីលទ្ធភាព ដោះស្រាយបញ្ហាដែលប្រជាជនយកចិត្តទុកដាក់បំផុតនិងខ្វល់ចិត្តបំផុតឲ្យបានល្អដោយឈរលើសភាពការណ៍ជាតិជាមូលដ្ឋានរបស់ប្រទេសយើង ជំរុញសច្ចយុត្តិធម៌សង្គមនិងការអភិវឌ្ឍរបស់មនុស្សដោយគ្រប់ជ្រុងជ្រោយ ធ្វើឲ្យជីវភាពរស់នៅរបស់ប្រជាជនមានភាពល្អប្រសើរពីមួយឆ្នាំទៅមួយឆ្នាំដែលដើរស្របនឹងការអភិវឌ្ឍរបស់ប្រទេសជាតិ ។