២ សំណូមពរនិងទិសដៅនយោបាយជាទូទៅក្នុងការអភិវឌ្ឍសេដ្ឋកិច្ចនិងសង្គមកិច្ចប្រចាំឆ្នាំ ២០១៨
គោលដៅសំខាន់នៃការព្យាករណ៍សម្រាប់ការអភិវឌ្ឍក្នុងឆ្នាំនេះគឺ ផលិតផលក្នុងស្រុកសរុបកើនឡើងប្រហែល៦,៥ភាគរយ អត្រាកំណើននៃតម្លៃប្រើប្រាស់របស់ប្រជាជនគឺប្រហែល ៣ ភាគរយ ឱកាសការងារតាមទីក្រុងនិងជនបទកើនឡើងជាង១១លាននាក់ អត្រាបាត់បង់ការងារនៅតាមទីក្រុងនិងជនបទដែលបានពិនិត្យអង្កេតស្ថិតនៅក្រោម ៥,៥ ភាគរយ អត្រាបាត់បង់ការងារក្នុងការចុះបញ្ជីតាមទីក្រុងនិងជនបទស្ថិតនៅក្រោម ៤,៥ ភាគរយ កំណើនចំណូលប្រជាជនដើរស្របគ្នាជាមួយកំណើនសេដ្ឋកិច្ច ការនាំចូលនិងការនាំចេញឆ្ពោះទៅរកភាពល្អប្រសើរក្នុងភាពនឹងនរ ចំណូលនិងចំណាយអន្តរជាតិមានតុល្យភាពជាមូលដ្ឋាន ការចំណាយថាមពលគិតជាឯកតានៃផលិតផលក្នុងស្រុកសរុបនឹងថយចុះជាង ៣ ភាគរយ បរិមាណបញ្ចេញសារធាតុបំពុលសំខាន់ៗបន្តថយចុះ កំណែទម្រង់រចនាសម្ព័ន្ធផ្នែកផ្គត់ផ្គង់នឹងទទួលបានការអភិវឌ្ឍជាក់ស្តែង អនុបាតគំនាស់ម៉ាក្រូរក្សាភាពនឹងនរជាមូលដ្ឋាន ហានិភ័យគ្រប់ប្រភេទនឹងត្រូវបានបង្ការនិងគ្រប់គ្រងដោយមានរបៀបរៀបរយនិងមានប្រសិទ្ធភាព ។