រសៀលថ្ងៃទី៤ខែមីនា លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានអញ្ជើញទៅជួបសំណេះសំណាលសួរសុខទុក្ខចំពោះសមាជិកសភាប្រឹក្សានយោបាយនៃសហព័ន្ធប្រជាធិបតេយ្យ បក្សZhiGong សហព័ន្ធអាណិកជនចិននិងឥស្សរជនឯករាជ្យដែលបានចូលរួមមហាសន្និបាតលើកទី១នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី១៣ ព្រមទាំងបានចូលរួមកិច្ចប្រជុំតាមក្រុមចម្រុះ ដើម្បីត្រង់ស្តាប់មតិយោបល់និងសំណើ។លោកបានគូសបញ្ជាក់ថា សង្គមនិយមដែលមានលក្ខណៈពិសេសនៃប្រទេសចិនបានឈានចូលយុគសម័យថ្មី ប្រការនេះតម្រូវឲ្យយើងពង្រីកនិងពង្រឹងយ៉ាងម៉ឺងម៉ាត់មិនងាករេនូវប្រព័ន្ធសហប្រតិបត្តិការដោយពហុបក្សនិងប្រឹក្សានយោបាយដែលដឹកនាំដោយបក្សកុម្មុយនិស្តចិន ពង្រីកឧត្តមភាពជាពិសេសនៃកិច្ចសហប្រតិបត្តិការពហុបក្ស អភិវឌ្ឍនយោបាយប្រជាធិបតេយ្យសង្គមនិយម សាមគ្គីគ្នាតស៊ូប្តូរផ្តាច់ដើម្បីសម្រេចបាននូវកិច្ចកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ។គណៈបក្សប្រជាធិបតេយ្យនានានិងឥស្សរជនឯករាជ្យនៃប្រទេសយើងត្រូវបង្កើនជំនឿចិត្តលើខ្លួនឯងចំនួន៤ និងផ្តល់ដំបូន្មាននិងយោបល់យ៉ាងសកម្ម ប្រមូលផ្តុំកម្លាំងកាយសាមគ្គីគ្នាយ៉ាងទូលំទូលាយ ក្នុងន័យរួមវិភាគទានកាន់តែធំនិងថ្មីក្នុងការតស៊ូប្តូរផ្តាច់ដើម្បីសម្រេចបាននូវកិច្ចកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ និងដណ្តើមយកជ័យជម្នះដ៏មហិមានៃសង្គមនិយមដែលមានលក្ខណៈពិសេសនៃប្រទេសចិនក្នុងយុគសម័យថ្មី៕