សន្និសីទលើកទី១នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី១៣បានប្រារព្ធបើកនៅថ្ងៃទី៣ខែមីនា សន្និសីទទូទាំងប្រទេសចំនួន២ដែលធ្វើឡើងរយៈពេលមួយឆ្នាំម្តងបានចាប់ផ្តើមជាផ្លូវការ។ប្រព័ន្ធសារព័ត៌មានសំខាន់ៗនៃប្រទេសអង់គ្លេសសុទ្ធតែបានចុះផ្សាយដំណឹងអំពីសន្និសីទទូទាំងប្រទេសចិនទាំងពីរដែលបានបើកដំណើរការដោយទាន់ពេលវេលា។
សារព័ត៌មានBBCនៃប្រទេសអង់គ្លេសបានចុះផ្សាយអត្ថបទលើគេហទំព័រថា កំណែទម្រង់ស្ថាប័ននឹងក្លាយជារបៀបវារៈពិភាក្សាដ៏សំខាន់នៃសន្និសីទទាំងពីរសម្រាប់ឆ្នាំនេះ អត្ថបទនេះបន្តថា កំណែទម្រង់និងការបើកទ្វាចំហក្នុងរយៈកាល៤០ឆ្នាំមុនបានអំណោយផលដល់ទំហំសេដ្ឋកិច្ចប្រទេសចិននាពេលបច្ចុប្បន្នដែលចូលចំណាត់ថ្នាក់ទី២លើពិភពលោក សមាជបក្សកុម្មុយនិស្តចិនលើកទី១៩ដែលធ្វើនៅឆ្នាំ២០១៧បានពន្យល់ច្បាស់លាស់នូវការសម្រេចសុបិនប្រទេសចិន។កំណែទម្រង់ស្ថាប័នដែលត្រូវឆ្លើយតបនឹងសេចក្តីត្រូវការពិតប្រាកដនៃការគ្រប់គ្រងសេដ្ឋកិច្ចនិងសង្គមកិច្ចប្រទេសចិនក្នុងយុគសម័យថ្មីពិតជានឹងទាក់ទាញការចាប់អារម្មណ៍ពីពិភពលោកទាំងមូល។