ថ្ងៃទី ១ ខែមីនា តំណាងហុងកុងជិត ៣០ នាក់នៃសភាតំណាងប្រជាជនទូទាំងប្រទេសចិន និងសមាជិកហុងកុងមួយចំនួននៃសភាប្រឹក្សានយោបាយប្រជាជនទូទាំងប្រទេសចិនបានរួមគ្នាជិះរថភ្លើងល្បឿនលឿនលេខ G27 ដែលចេញដំណើរពីក្រុងShenzhen ទៅកាន់ក្រុងប៉េកាំង ដើម្បីចូលរួមសន្និសីទលើកទីមួយនៃសភាតំណាងប្រជាជនទូទាំងប្រទេសចិនអាណត្តិទី ១៣ និងសន្និសីទលើកទីមួយនៃសភាប្រឹក្សានយោបាយប្រជាជនទូទាំងប្រទេសចិនអាណត្តិទី ១៣ ដែលនឹងធ្វើឡើងនៅពេលខាងមុខនេះ។
តំណាងនិងសមាជិកដែលបានចូលរួមសកម្មភាពជិះរថភ្លើងជាសមូហភាពលើកនេះសុទ្ធតែយល់ឃើញថា រថភ្លើងល្បឿនលឿនមិនគ្រាន់តែផ្តល់ភាពងាយស្រួលដល់គមនាគមន៍រវាងហុងកុងនិងតំបន់ដីគោកប៉ុណ្ណោះទេ ថែមទាំងនឹងជំរុញយ៉ាងខ្លាំងដល់ការផ្លាស់ប្តូរវិស័យសង្គមកិច្ចនិងវប្បធម៌រវាងហុងកុងនិងតំបន់ដីគោក ក៏ដូចជាការអភិវឌ្ឍសេដ្ឋកិច្ចតំបន់ហុងកុងទៀតផង។ មិនថាវិស័យសង្គមក្តីវិស័យសេដ្ឋកិច្ចក្តី សុទ្ធតែនាំមកនូវផលប្រយោជន៍ដ៏ធំធេងដល់កុងហុងនិងតំបន់ដីគោក៕