ព្រឹត្តិការណ៍មហោស្រពតន្ត្រីមិត្តភាពចិន-អាស៊ានឆ្នាំ ២០១៧ ដែលសហការរៀបចំដោយវិទ្យុអន្តរជាតិចិននិងវិទ្យុប្រជាជនក្រុងZhengzhou ប្រទេសចិនបានបើកធ្វើនៅមជ្ឈមណ្ឌលពិព័រណ៍អន្តរជាតិក្រុងZhengzhou នៅយប់ថ្ងៃទី ៨ ខែធ្នូនេះ។ វិទ្យុអន្តរជាតិចិននឹងធ្វើការផ្សាយផ្ទាល់តាមរយៈផេកហ្វេសប៊ុក ៩ ភាសាដែលមានប្រើប្រាស់ក្នុងតំបន់អាស៊ីអាគ្នេយ៍គេហទំព័រ China.com និងតាមរយៈបូស្តិ៍ទូរទស្សន៍CIBN និងកម្មវិធី ChinaTV ហើយវីដេអូនៃព្រឹត្តិការណ៍មហោស្រពតន្ត្រីនេះនឹងចាក់ផ្សាយតាមកញ្ចក់ទូរទស្សន៍ក្រុង Zhengzhou និងភាគីសហប្រតិបត្តិការនៃបណ្តាប្រទេសអាស៊ាន។
ព្រឹត្តិការណ៍មហាស្រពតន្ត្រីមិត្តភាពចិន-អាស៊ានជាសកម្មភាពល្បីល្បាញមួយដើម្បីធ្វើការផ្លាស់ប្តូរវប្បធម៌អន្តរជាតិដែលសហការរៀបចំដោយវិទ្យុអន្តរជាតិចិននិងប្រព័ន្ធផ្សព្វផ្សាយនៃបណ្តាប្រទេសអាស៊ានទាំង១០ ។ សកម្មភាពប្រចាំឆ្នាំ២០១៧នេះគឺប្រារព្ធឡើងនៅក្រុង Zhengzhouជាលើកដំបូង ក្នុងន័យពង្រឹងនិងពង្រីកមិត្តភាពរវាងចិន-អាស៊ាននៅក្រុងZhengzhouដែលជាទីក្រុងពោរពេញទៅដោយអរិយធម៌ចិន ធ្វើឲ្យវប្បធម៌ចិននិងវប្បធម៌នៃបណ្តាប្រទេសអាស៊ាននានាអាចគួបផ្សំនិងស៊ីសង្វាក់គ្នា ក្នុងន័យបើកទំព័រថ្មីនៃទំនាក់ទំនងមិត្តភាពរវាងចិន-អាស៊ានក្នុងយុគសម័យថ្មី ។
យប់នេះ តារាចម្រៀងរបស់ប្រទេសអាស៊ានទាំង១០ដូចជា អ្នកនាង Shila Amzah តារាចម្រៀងម៉ាឡេស៊ី អ្នកនាង Do Thi Thanh Hoa តារាចម្រៀងរបស់ប្រទេសវៀតណាម និងលោក Athisak Ratanavong តារាចម្រៀងឡាវនិងលោក ឆន សុវណ្ណរាជ តារាចម្រៀងកម្ពុជាជាដើម បានជួបជុំគ្នានៅក្រុង Zheng Zhou ដើម្បីបញ្ចេញទេពកោសល្យច្រៀងចម្រៀងជាភាសាចិននិងភាសាជាតិរបស់ខ្លួនចំនួនជាង១០បទ ដូចជា បទ«ខ្សែក្រវាត់មួយនិងផ្លូវមួយ» បទ«Happy to be KHMER» បទ«ផ្អែមៗ» បទ«ផ្កាម្លិះដ៏ស្អាតមួយ»និងបទ«ជូនពរ»ជាដើមដើម្បីបំពេរអារម្មណ៍ទស្សនិកជនទាំងអស់ ។
ប្រព័ន្ធសារព័ត៌មាននិងស្ថាប័នមានពាក់ព័ន្ធនៃបណ្តាប្រទេសអាស៊ានដែលអញ្ជើញចូលរួមព្រឹត្តិការណ៍មហាស្រពតន្រ្តីមិត្តភាពចិននិងអាស៊ានលើកនេះ រួមមាន ស្ថានីយ៍វិទ្យុនិងទូរទស្សន៍ប្រទេសព្រុយណេ ស្ថានីយ៍ទូរទស្សន៍ជាតិប្រទេសកម្ពុជា ស្ថានីយ៍ទូរទស្សន៍Metroនៃប្រទេសឥណ្ឌូណេស៊ី ស្ថានីយ៍ទូរទស្សន៍Starនៃប្រទេសឡាវ ស្ថានីយ៍ទូរទស្សន៍SKY NETនៃប្រទេសមីយ៉ាន់ម៉ា គណៈកម្មាធិការជាតិខាងវប្បធម៌និងសិល្បៈនៃប្រទេសហ្វីលីពីន ស្ថានីយ៍ទូរទស្សន៍ជាតិប្រទេសហ្វីលីពីន ស្ថានីយ៍វិទ្យុនិងទូរទស្សន៍ជាតិប្រទេសថៃនិងស្ថានីយ៍ទូរទស្សន៍ប្រទេសវៀតណាមជាដើម៕
