ឥស្សរជនគ្រប់មជ្ឈដ្ឋាននៃបណ្តាប្រទេសនៅអាស៊ីអាគ្នេយ៍យកចិត្តទុកដាក់យ៉ាងខ្លាំងដល់ឱកាសអភិវឌ្ឍន៍ដែលផ្តល់ដោយសមាជបក្សកុម្មុយនិស្តចិនលើកទី១៩

ការបើកធ្វើសមាជបក្សកុម្មុយនិស្តចិនលើកទី ១៩ នាពេលថ្មីៗនេះបានទាក់ទាញការយកចិត្តទុកដាក់ខ្ពស់ពីឥស្សរជនគ្រប់មជ្ឈដ្ឋាននៃបណ្តាប្រទេសអាស៊ាន។ ពេលទទួលបទសម្ភាសពីអ្នកយកព័ត៌មានវិទ្យុអន្តរជាតិចិន ពួកគេបានថ្លែងថា សមាជបក្សកុម្មុយនិស្តចិនលើកទី ១៩ មានទស្សនទាននិងតារាងពេលវេលា អំពីការសម្រេចកិច្ចកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយនិងការកសាងប្រទេសសង្គមនិយមទំនើបកម្មដោយគ្រប់ជ្រុងជ្រោយ ការអភិវឌ្ឍរបស់ចិននឹងនាំមកឱកាសអភិវឌ្ឍថ្មីដល់បណ្តាប្រទេសអាស៊ាន។

លោកស្រី Svay Nakry អនុប្រធានការិយាល័យទទួលបន្ទុកកិច្ចការគ្រប់គ្រងធនធានមនុស្សនៃទីស្តីការគណៈរដ្ឋមន្ត្រីកម្ពុជា ដែលធ្លាប់មកសិក្សារៀនសូត្រក្នុងប្រទេសចិនបានយល់ឃើញថា សមាជបក្សកុម្មុយនិស្តចិនលើកទី ១៩ មានសារៈសំខាន់ណាស់ សមាជបានលើកឡើងគតិសង្គមនិយមដែលមានលក្ខណៈពិសេសរបស់ចិនក្នុងយុគសម័យថ្មីរបស់លោក ស៊ី ជីនភីង បានបញ្ជាក់ថាប្រទេសចិននឹងបន្តប្រកាន់ខ្ជាប់ដើរតាមផ្លូវអភិវឌ្ឍន៍សមស្របនឹងសភាពការណ៍របស់ខ្លួន៕