សមាជិកអចិន្ត្រៃយ៍នៃការិយាល័យនយោបាយមជ្ឈិមចិនអាណត្តិទី ១៩ បានជួបជាមួយអ្នកសារព័ត៌មានជាតិនិងអន្តរជាតិនៅព្រឹកថ្ងៃទី២៥ ខែតុលានៅទីក្រុងប៉េកាំង។ ពេលថ្លែងដល់ទិសដៅការងារសម្រាប់ប្រាំឆ្នាំខាងមុខនេះ លោក ស៊ី ជីនភីង អគ្គលេខាធិការនៃគណៈកម្មាធិការបក្សកុម្មុយនិស្តចិនបានមានប្រសាសថា៖
ឆ្នាំ ២០១៩ គឺជាខួបឆ្នាំទី ៧០ នៃការបង្កើតសាធារណរដ្ឋប្រជាមានិតចិន។ យើងនឹងអនុវត្តទស្សនៈអភិវឌ្ឍថ្មី ជំរុញសេដ្ឋកិច្ចចិនឲ្យវិវឌ្ឍរីកចម្រើនដោយរឹងមាំ ដើម្បីផ្តល់ផលប្រយោជន៍ដល់ប្រជាជនចិននិងប្រជាជននៃបណ្តាប្រទេសនានា។ យើងនឹងបន្តអនុវត្តជាក់ស្តែងនូវភារកិច្ចគ្រប់យ៉ាងដែលបានកំណត់ក្នុងផែនការ អភិវឌ្ឍជាតិប្រាំឆ្នាំទី ១៣ ហើយក៏នឹងគ្រោងផែនការថ្មីសម្រាប់ការអភិវឌ្ឍនាពេលអនាគតផងដែរ ដើម្បីបន្តជំរុញឲ្យគ្រប់វិស័យមានការវិវឌ្ឍរីកចម្រើនគ្រប់ជ្រុងជ្រោយ ក្នុងន័យកសាងឲ្យសាធារណរដ្ឋរបស់យើងមានភាពថ្កុំថ្កើងរុងរឿងថែមទៀត។
