សហគមន៍​អន្តរជាតិ​វាយតម្លៃ​យ៉ាង​កក់ក្តៅ​ចំពោះ​ការកសាង​សមត្ថភាព​កាន់​អំណាច​របស់​បក្ស​កុម្មុយនិស្តចិន​ក្នុង​ប៉ុន្មាន​ឆ្នាំ​កន្លង​ទៅនេះ​
2017-10-24 15:16:32  cri  Web Editor:Sun

ក្នុង​រយៈពេល​៥ឆ្នាំ​កន្លង​ទៅនេះ​ បក្ស​កុម្មុយនិស្តចិន​បាន​ប្រើ​កម្លាំង​ ចិត្តក្លាហាន​និង​ការប្តេជ្ញាចិត្ត​ដែល​មិន​ធ្លាប់មាន​កាលពីមុន ​ដើម្បី​គ្រប់គ្រង​ឥរិយាបទ ​ប្រឆាំង​អំពើពុករលួយ​ ធ្វើឲ្យ​វិន័យ​បក្ស​កាន់តែ​ម៉ឺងម៉ាត់ ​ដោយ​បាន​ប្រមូល​ផ្តុំ​ចិត្តបក្ស​និង​ចិត្តប្រជាជន​ ហើយ​ធ្វើឲ្យ​មូលដ្ឋាននៃ​ការកាន់អំណាច​កាន់តែ​រឹងមាំ​ផងដែរ ។

ទីភ្នាក់ងារ​ព័ត៌មាន​សាធារណៈរដ្ឋ​អ៊ីស្លាម​របស់​អ៊ីរ៉ង់​បាន​ផ្សាយ​ដំណឹង​ឲ្យដឹងថា​ ក្នុង​ប៉ុន្មាន​ឆ្នាំ​កន្លង​ទៅនេះ​ បក្ស​កុម្មុយនិស្តចិន​បាន​បង្កើន​កម្លាំង​ប្រឆាំង​អំពើពុករលួយ​ ដែល​ទទួល​បាន​កិត្តិនាម​លើ​ឆាក​អន្តរជាតិ ​ហើយក៏​ទទួលបាន​ចិត្តប្រជាជន​សម្រាប់​ការអភិវឌ្ឍ​សេដ្ឋកិច្ច​ជាតិ​ផងដែរ ។

    លោក ​Li ​Renliang​ អ្នកជំនាញការ​អំពី​បញ្ហា​អន្តរជាតិ​នៃ​វិទ្យាស្ថាន​អភិបាលកិច្ច​សម្រាប់​ការអភិវឌ្ឍ​ជាតិថៃ​បាន​សម្គាល់ថា​ ប៉ុន្មានឆ្នាំ​កន្លងទៅនេះ​ បក្ស​កុម្មុយនិស្តចិន​បាន​ធ្វើ​ការច្នៃប្រឌិត​ទ្រឹស្តី​ដោយ​ឈរលើ​មូលដ្ឋាន​សភាពការណ៍​ជាតិ​ជាប់រហូត​ បំពេញ​និង​ធ្វើឲ្យ​សម្បូរបែប​នូវ​ខ្លឹមសារ​នៃ​សង្គមនិយម​ដ៏មាន​លក្ខណៈ​ពិសេស​ចិន​ឥតឈប់ឈរ ​ហើយ​សម្រេច​កំណើន​ល្បឿន​​សេដ្ឋកិច្ច​និង​ការអភិវឌ្ឍ​ដ៏មាន​ប្រសិទ្ធភាព​ខ្ពស់នៃ​សង្គម​ផងដែរ ។
ទាក់ទង​ជាមួយ​យើង​ខ្ញុំ