សមាជបក្សកុម្មុយនិស្តចិនលើកទី ១៩ ដែលបានបើកធ្វើនៅក្រុងប៉េកាំងបានក្លាយទៅជាចំណុចចាប់អារម្មណ៍របស់ឥស្សរជនវៀតណាមក្នុងគ្រប់មជ្ឈដ្ឋាន ។ ពេលផ្តល់បទសម្ភាសន៍ជាមួយអ្នកយកព័ត៌មាននៃវិទ្យុអន្តរជាតិចិន លោក Tran Van Luat អតីតអនុរដ្ឋមន្ត្រីឃោសនានិងអប់រំនៃមជ្ឈិមបក្សកុម្មុយនិស្តវៀតណាមនិងជាអតីតឯកអគ្គរដ្ឋទូតវៀតណាមប្រចាំនៅប្រទេសចិនបានវាយតម្លៃខ្ពស់ចំពោះរបាយការណ៍នៃសមាជលើកទី ១៩ ដែលបានលើកឡើងគំនិតថ្មី ការវិនិច្ឆ័យថ្មី គំនិតផ្តួចផ្តើមថ្មីនិងវិធានការថ្មី ។ លោកបានសម្គាល់ថា សមិទ្ធិផលរបស់ប្រទសចិនក្នុងរយៈពេល ៥ ឆ្នាំកន្លងទៅនេះ បានផ្តល់បទពិសោធន៍សំខាន់ៗដល់ការអភិវឌ្ឍលើសកលលោក ។
