ក្នុងអំឡុងពេលសមាជបក្សកុម្មុយនិស្តចិនលើកទី ១៩ កំពុងបើកធ្វើនៅក្រុងប៉េកាំង អ្នកដឹកនាំប្រទេស បក្ស និងអង្គការស្ថាប័នបរទេសមួយចំនួនបានផ្ញើសារនិងលិខិតជាបន្តបន្ទាប់ដោយឡែកពីគ្នាដល់ភាគីចិនដើម្បីចូលរួមអបអរសាទរដោយភាពកក់ក្តៅ។
លោក Mahmoud Abbas ប្រធានាធិបតីប៉ាឡេស្ទីនបានថ្លែងក្នុងលិខិតអបអរសាទរថា របាយការណ៍ដែលលោកអគ្គលេខាធិការ ស៊ី ជីនភីង បានថ្លែងក្នុងកិច្ចប្រជុំបើកសមាជបក្សកុម្មុយនិស្តចិនលើកទី ១៩ មិនគ្រាន់តែបានបង្ហាញនូវទឹកចិត្តម៉ឹងម៉ាត់និងជំនឿទុកចិត្តខ្លាំងក្លានៃការទទួលបានភាពស្តារឡើងវិញដ៏រុងរឿងនិងមហិមានៃប្រជាជាតិចិននិងការឈានចូលជួរមុខលើពិភពលោករបស់ប្រជាជនចិនប៉ុណ្ណោះទេ ថែមទាំងនឹងផ្តល់សមិទ្ធិផលដល់មនុស្សជាតិទូទាំងពិភពលោកទៀតផង។
លោកស្រី Gloria Macapagal Arroyo អតីតប្រធានាធិបតីហ្វីលីពីនបានថ្លែងក្នុងសារអបអរសាទរថា ប្រជាជាតិចិនមុខជានឹងសម្រេចបានការស្តារឡើងវិញដ៏មហិមាជាក់ជាមិនខាន ហើយបោះជំហានឈានឆ្ពោះទៅកាន់ការកសាងសមាគមន៍វាសនាតែមួយសម្រាប់មនុស្សជាតិនៃបក្សកុម្មុយនិស្តចិននឹងកាន់តែរឹងមាំ៕
