ព្រឹកថ្ងៃទី១៩ខែតុលា លោកលីខឺឈាងនាយករដ្ឋមន្រ្តីចិនបានអញ្ជើញចូលរួមការពិគ្រោះពិភាក្សានៃគណៈប្រតិភូតំណាងបក្សនៃខេត្តក្វាងស៊ីដែលទៅចូលរួមសមាជបក្សកុម្មុយនិស្តចិនលើកទី១៩។លោកបានថ្លែងថា របាយការណ៍ដែលលោកស៊ីជីនភីងថ្លែងជូនអង្គសមាជក្នុងនាមគណៈកម្មាធិការមជ្ឈិមបក្សកុម្មុយនិស្តចិនលើកទី១៨បានរំលឹកឡើងវិញនិងបូកសរុបនូវសមិទ្ធផលដ៏ត្រចះត្រចង់និងបទពិសោធន៍ដ៏មានតម្លៃរបស់មជ្ឈិមបក្សកុម្មុយនិស្តចិនដែលដឹកនាំប្រជាជនគ្រប់ជនជាតិនៅទូទាំងប្រទេសក្នុងការប្រកាន់ខ្ជាប់និងអភិវឌ្ឍសង្គមនិយមមានលក្ខណៈពិសេសនៃប្រទេសចិនក្នុងរយៈពេល៥ឆ្នាំកន្លងទៅនេះ បានធ្វើការរៀបចំចាត់ចែងដោយគ្រប់ជ្រុងជ្រោយចំពោះការតស៊ូប្តូរផ្តាច់ដើម្បីសម្រេចបាននូវកិច្ចកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយនិងដណ្តើមយកជ័យជម្នះដ៏មហិមានៃសង្គមនិយមមានលក្ខណៈពិសេសនៃប្រទេសចិនក្នុងយុគសម័យថ្មី។របាយការណ៍មួយនេះបានប្រមូលផ្តុំនូវតម្រិះប្រាជ្ញារបស់បក្សទាំងមូល ឆ្លុះបញ្ចាំងនូវសំណូមពរនៃយុគសម័យនិងក្តីបំណងរបស់ប្រជាជន ពោលគឺជាសេចក្តីប្រកាសនយោបាយនិងកម្មវិធីប្រតិបត្តិដែលណែនាំបក្សទាំងមូលនិងប្រជាជនគ្រប់ជនជាតិនៅទូទាំងប្រទេសឲ្យខិតខំជំរុញសង្គមនិយមមានលក្ខណៈពិសេសនៃប្រទេសចិនឲ្យវិវឌ្ឍរីកចម្រើនឥតឈប់ឈរនិងឆ្ពោះទៅកាន់យុគសម័យថ្មី៕
