រសៀលថ្ងៃទី១៨ខែតុលា លោកZhangDejiangប្រធានសភាប្រជាជនចិនបានអញ្ជើញទៅជួបគណៈប្រតិភូតំណាងបក្សនៃខេត្តម៉ុងហ្គោលីក្នុងដែលមកចូលរួមសមាជបក្សកុម្មុយនិស្តចិនលើកទី១៩ ដើម្បីរួមគ្នាពិគ្រោះពិភាក្សាគ្នាអំពីរបាយការណ៍នៃសមាជបក្សកុម្មុយនិស្តចិនលើកទី១៩។លោកបានថ្លែងថា លោកឯកភាពទាំងស្រុងចំពោះរបាយការណ៍ដែលលោកស៊ីជីនភីងតាងនាមឲ្យគណៈកម្មាធិការមជ្ឈិមបក្សកុម្មុយនិស្តចិនលើកទី១៨ថ្លែងជូនអង្គសមាជ។
លោកZhangDejiangបានថ្លែងថា យើងត្រូវតែរៀនសូត្រយ៉ាងផ្ចិតផ្ចង់និងអនុវត្តដោយគ្រប់ជ្រុងជ្រោយនូវស្មារតីរបស់សមាជបក្សកុម្មុយនិស្តចិនលើកទី១៩ ជាពិសេសគឺគតិសង្គមនិយមមានលក្ខណៈពិសេសនៃប្រទេសចិនក្នុងយុគសម័យថ្មីរបស់លោកស៊ីជីនភីង គាំទ្រយ៉ាងមុតមាំនូវឋានៈជាប្រមុខនិងកិត្យានុភាពរបស់លោកស៊ីជីនភីងដែលជាអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន គាំទ្រយ៉ាងមុតមាំនូវកិត្យានុភាពនិងការដឹកនាំដោយឯកភាពនៃមជ្ឈិមបក្សកុម្មុយនិស្តចិន រក្សាខ្ជាប់នូវជំហរឯកភាពកម្រិតខ្ពស់ទាំងផ្នែកស្មារតី នយោបាយនិងប្រតិបត្តិការឲ្យស្របជាមួយមជ្ឈិមបក្សកុម្មុយនិស្តចិនដែលមានលោកស៊ីជីនភីងជាប្រមុខ ក៏ដូចជាធ្វើការតស៊ូប្តូរផ្តាច់ដើម្បីសម្រេចបាននូវកិច្ចកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយនិងដើម្បីទទួលបានជ័យជម្នះដ៏មហិមានៃសង្គមនិយមមានលក្ខណៈពិសេសនៃប្រទេសចិនក្នុងយុគសម័យថ្មី៕
