ថ្ងៃទី ៣ ខែមិថុនា នៅក្រុងស៊ីអាន លោក Wang Yang ឧបនាយករដ្ឋមន្ត្រីចិនបានចូលរួមពិព័រណ៌អន្តរជាតិស្តីពីផ្លូវសូត្រឆ្នាំ ២០១៧ និងជាវេទិកាកិច្ចសហប្រតិបតិ្តការអន្តរជាតិសី្តពីខ្សែក្រវាត់សេដ្ឋកិច្ចផ្លូវសូត្រ ព្រមទាំងបានថ្លែងសុន្ទរកថាទៀតផង ។ លោកបានគូសបញ្ជាក់ថា គំនិតផ្តួចផ្តើមរបស់លោក ស៊ីជីនភីងប្រធានរដ្ឋចិនស្តីពីខ្សែក្រវាត់មួយនិងផ្លូវមួយគឺជាវិស្វកម្មសតវត្សរ៍សម្រាប់បង្កើតសហគមន៍វាសនារួមតែមួយរបស់មនុស្សជាតិ ប្រទេសចិនរីករាយរួមគ្នាជាមួយបណ្តាប្រទេសតាមបណ្តោយខ្សែក្រវាត់សេដ្ឋកិច្ចផ្លូវសូត្រ អនុវត្តមតិឯកភាពគ្នាដ៏សំខាន់និងលទ្ធផលដែលបានឈានដល់ក្នុងវេទិកាកំពូលសម្រាប់កិច្ចសហប្រតិបតិ្តការអន្តរជាតិស្តីពីគំនិតផ្តួចផ្តើមខ្សែក្រវាត់មួយនិងផ្លូវមួយដើម្បីជំរុញឲ្យកិច្ចសហប្រតិបតិ្តការខាងសេដ្ឋកិច្ចនិងពាណិជ្ជកម្មឡើងដល់កម្រិតថី្ម និងផ្តល់សុខសុភមង្គលកាន់តែច្រើនដល់ប្រជាជននៃបណ្តាប្រទេសនានាតាមបណ្តោយផ្លូវសូត្រ ។
លោក Wang Yang បានចង្អុលបង្ហាញទៀតថា ពិព័រណ៌អន្តរជាតិស្តីពីផ្លូវសូត្រគឺជាវេទិកាសម្រាប់ជំរុញការអភិវឌ្ឍន៍តភ្ជាប់ជាមួយគ្នានៃតំបន់ខាងកើត កណ្តាលនិងខាងលិចរបស់ប្រទេសចិនផង ហើយក៏ជាវេទិកាសម្រាប់ជំរុញឲ្យកិច្ចសហប្រតិបតិ្តការសេដ្ឋកិច្ចនិងពាណិជ្ជកម្មរវាងប្រទេសចិននិងបណ្តាប្រទេសតាមបណ្តោយខ្សែក្រវាត់សេដ្ឋកិច្ចផ្លូវសូត្រមានភាពកាន់តែស៊ីជម្រៅផងដែរ ។ សង្ឃឹមភាគីនានាអាចប្រើប្រាស់ឲ្យបានពេញលេញនូវតួនាទីមានលក្ខណៈជាយន្តការនៃពិព័រណ៌អន្តរជាតិស្តីពីផ្លូវសូត្រ និងវេទិកាសម្រាប់កិច្ចសហប្រតិបតិ្តការអន្តរជាតិសី្តពីគំនិតផ្តួចផ្តើមខ្សែក្រវាត់សេដ្ឋកិច្ចផ្លូវសូត្រ ដើម្បីធ្វើការផ្លាស់ប្តូរគំនិតគ្នាទៅវិញទៅមក ប្រមូលផ្តុំនូវមតិឯកភាពគ្នា និងរួមគ្នាស្វែងរកផលប្រយោជន៍កាន់តែច្រើន ៕
