សម្តេចហ៊ុនសែន នាយករដ្ឋមន្ត្រីកម្ពុជាបានថ្លែងថា ការផ្តួចផ្តើមគំនិតស្តីពីយុទ្ធសាស្ត្រខ្សែក្រវាត់មួយនិងផ្លូវមួយគឺសមស្របនឹងគម្រោងអភិវឌ្ឍន៍ជាតិរបស់កម្ពុជា

វេទិកាកំពូលសម្រាប់កិច្ចសហប្រតិបត្តិការអន្តរជាតិស្តីពីយុទ្ធសាស្ត្រខ្សែក្រវាត់មួយនិងផ្លូវមួយជិតនឹងបើកធ្វើនៅក្រុងប៉េកាំង ។ សម្តេចហ៊ុនសែន នាយករដ្ឋមន្ត្រីកម្ពុជានឹងអញ្ជើញចូលរួមវេទិកានេះ ហើយបំពេញទស្សនកិច្ចផ្លូវការនៅប្រទេសចិនផងដែរ ។ មុនចេញដំណើរ សម្តេចហ៊ុនសែនបានឆ្លើយតបជាលាយលក្ខអក្សរមកកាន់វិទ្យុអន្តរជាតិចិន ទីភ្នាក់ងារព័ត៌មានស៊ីនហ្វា កាសែតប្រជាជនចិននិងកាសែតយុវជនចិនថា ការផ្តួចផ្តើមគំនិតស្តីពីខ្សែក្រវាត់មួយនិងផ្លូវមួយគឺយកចិត្តទុកដាក់និងសម្របសម្រួលគោលនយោបាយអភិវឌ្ឍន៍ជាមួយប្រទេសជាដៃគូដោយឈរលើមូលដ្ឋានគោរពគ្នាទៅវិញទៅមក ហើយនេះគឺសមស្របនឹងគម្រោងអភិវឌ្ឍន៍របស់ប្រទេសកម្ពុជាយ៉ាងល្អប្រសើរ ។