ថ្ងៃទី១ខែមេសា លោក Zhai jun ឯកអគ្គរដ្ឋទូតចិនប្រចាំនៅប្រទេសបារាំងបានថ្លែងថា សង្ឃឹមភាគីបារាំងមានលទ្ធផលពិនិត្យអង្កេតដែលមានភាពយុត្តិធម៌និងសមហេតុផលមួយអំពីរឿងដែលជនជាតិចិនឈ្មោះ Liu Shaoyao ស្នាក់នៅប្រទេសបារាំងត្រូវប៉ូលិសបាញ់សម្លាប់ក្នុងផ្ទះ ដើម្បីផ្តល់ការបកស្រាយមួយដល់សមាជិកគ្រួសាររបស់អ្នកស្លាប់បាត់បង់ជីវិត ។
ថ្ងៃដដែល លោក Zhai jun បានថ្លែងនៅពេលទទួលសម្ភាសន៍ពីប្រព័ន្ធសារព័ត៌មានចិននៅស្នងការដ្ឋានប៉ូលិសក្រុងប៉ារីសថា សង្ឃឹមថា រឿងនេះកុំជះឥទ្ធិពលទៅលើការរស់នៅរបស់អាណិកជនចិននិងជនជាតិចិនកាន់សញ្ជាតិបរទេសនៅប្រទេសបារាំង ហើយក៏សង្ឃឹមថា នៅពេលអនាគត នៅតែមានអ្នកទេសចរណ៍ចិនកាន់តែច្រើនទៅធ្វើទេសចរណ៍នៅប្រទេសបារាំង ព្រមទាំងសង្ឃឹមថា ទំនាក់ទំនងចិននិងបារាំងអាចរីកចម្រើនដោយល្អប្រសើរតទៅទៀត ។
