ថ្ងៃទី២០ខែមីនា ពេលជួបពិភាក្សាការងារជាមួយលោកវ៉ាង សូវវិនអនុរដ្ឋមន្រ្តីពាណិជ្ជកម្មចិន សម្តេចហ៊ុនសេននាយករដ្ឋមន្រ្តីកម្ពុជាបានថ្លែងថា ភាពរុងរឿងថ្កុំថ្កើងនិងវឌ្ឍនភាពរបស់ប្រទេសកម្ពុជាមិនអាចកាត់ផ្តាច់ពីប្រទេសចិនបានទេ។ សម្តេចហ៊ុនសែនបានថ្លែងអំណរគុណចំពោះប្រទេសចិនហើយរំពឹងថាប្រទេសចិនអាចបន្តផ្តល់ជំនួយដល់ប្រទេសកម្ពុជា ព្រមនិងកៀរគរជំរុញវិនិយោគិននិងភ្ញៀវទេសចរចិនកាន់តែច្រើនឲ្យមកធ្វើការបណ្តាក់ទុននិងធ្វើទេសចរណ៍នៅកម្ពុជា។
ជាការឆ្លើយតប លោកវ៉ាង សូវវិនបានថ្ែលងថា ក្នុងឋានៈជាប្រទេសជិតខាងល្អនិងមិត្តភ័ក្តិល្អ ទំនាក់ទំនងរវាងចិននិងកម្ពុជាត្រូវបានលើកម្ពស់ទៅជាទំនាក់ទំនងភាពជាដៃគូសហប្រតិបត្តិការយុទ្ធសាស្រ្តគ្រប់ជ្រុងជ្រោយ។ លោកបានជម្រាបសម្តេចហ៊ុនសែនថា ប្រទេសចិនបាននាំចូលផលិតផលជាច្រើនពីប្រទេសកម្ពុជា ពិសេសអង្ករកម្ពុជាគឺពេញនិយមណាស់។
លោកវ៉ាង សូវវឹនបានថ្លែងទៀតថា នឹងបន្តជំរុញឲ្យកសិផលកម្ពុជាកាន់តែច្រើននាំចេញចូលទៅទីផ្សារចិន ក៏ដូចជាលើកទឹកចិត្តភ្ញៀវទេសចរចិនកាន់តែច្រើនឲ្យធ្វើទេសចរណ៍នៅកម្ពុជាផងដែរ៕