មតិបរទេសថ្លែងថា ប្រទេសចិនកំពុងខិតខំប្រឹងប្រែងវិលត្រឡប់មកចំណុចកំពូលនៃវិទ្យាសាស្ត្រនិងបច្ចេកវិទ្យាពិភពលោកវិញ

ក្នុងមហាសន្និបាតទាំងពីររបស់ប្រទេសចិននៅឆ្នាំ២០១៧នេះ របាយការណ៍ការងារនៃរដ្ឋាភិបាលចិនបានលើកឡើងថា ត្រូវលើកកម្ពស់សមត្ថភាពច្នៃប្រឌិតថ្មីខាងវិទ្យាសាស្ត្រនិងបច្ចេកវិទ្យា ។ បើសិនជាយើងរំលឹកឡើងវិញនូវសមិទ្ធផលខាងវិទ្យាសាស្ត្រនិងបច្ចេកវិទ្យាធំសំខាន់មួយចំនួនក្នុងឆ្នាំ២០១៦កន្លងទៅនេះ ការច្នៃប្រឌិតថ្មីខាងវិទ្យាសាស្ត្រនិងបច្ចេកវិទ្យារបស់ប្រទេសចិនបានទទួលសមិទ្ធផលជាផ្លែផ្កាយ៉ាងច្រើន ។ អ្នកលេងបណ្តាញអ៊ីនធើណេតជាច្រើនបានសរសេរបទអធិប្បាយពាសពេញបណ្តាញអ៊ីនធើណេតទំនាក់ទំនងសង្គមដែលមានដូចជាពាក្យ"អភិវឌ្ឍន៍វិទ្យាសាស្ត្រនិងបច្ចេវិទ្យាដោយប្រើល្បឿនដូចជាផ្លូវដែកល្បឿនលឿន"ជាដើម ចំណែកសហគមន៍អន្តរជាតិក៏បានវាយតម្លៃខ្ពស់ចំពោះការរីកចម្រើនខាងវិទ្យាសាស្ត្រនិងបច្ចេកវិទ្យារបស់ប្រទេសចិនផងដែរ ។