មហា​សនិ្នបាត​លើក​ទី​៥​នៃ​សភា​តំណាង​ប្រជាជន​ទូទាំង​ប្រទេស​ចិន​នីតិកាល​ទី ១២ បាន​បើក​ធ្វើ​សនិ្នសីទ​ពេញ​អង្គ​លើក​ទី៣​
2017-03-12 14:46:46  cri  Web Editor:Guo Xiangqing

      ព្រឹក​ថ្ងៃទី ១២ ខែ​មីនា មហា​សនិ្នបាត​លើក​ទី​៥​នៃ​សភា​តំណាង​ប្រជាជន​ទូទាំង​ប្រទេស​ចិន​នីតិកាល​ទី ១២ បាន​បើក​ធ្វើ​សនិ្នសីទ​ពេញ​អង្គ​លើក​ទី៣​នៅ​វិមាន​សភា​ប្រជាជន​ ដោយ​បាន​ស្តាប់ ​ពិនិត្យ​និង​ពិគ្រោះ​ពិភាក្សា​ពី​របាយការណ៍​ការងារ​របស់​តុលាការ​ប្រជាជន​កំពូល ។

      លោក Zhou Qiang ប្រធាន​តុលាការ​ប្រជាជន​កំពូល​បាន​អាន​របាយការណ៍​នៃ​ស្ថានភាព​បំពេញ​ការងារ​តាម​ច្បាប់​របស់​តុលាការ​ប្រជាជន​កំពូល​ក្នុង​ឆ្នាំ ២០១៦ តាម​រយៈការងារ​៥ផ្នែក គឺ​ទី​មួយ បាន​អនុវត្ត​ទស្សនៈ​សនិ្តសុខ​ជាតិ​ជា​ទូទៅ​ដោយ​ផ្ចិត​ផ្ចង់ ដាក់​ទណ្ឌកម្ម​ចំពោះ​ការ​ប្រព្រឹតិ្ត​បទ​ឧក្រិដ្ឋ​តាម​ច្បាប់​និង​ការងារ​សិទ្ធិ​មនុស្ស ។ ទីពីរ គឺ​បាន​អនុវត្ត​នូវ​គំនិត​អភិវឌ្ឍន៍​បែប​ថ្មី​យ៉ាង​ផ្ចិត​ផ្ចង់ ដើម្បី​ធានា​ឲ្យ​សេដ្ឋកិច្ច​និង​សង្គមកិច្ច​ទទួល​បាន​ការ​អភិវឌ្ឍ​ជា​និរន្តរភាព​និង​ដោយ​បរិសុទ្ធ ។ ទីបី គឺ​បាន​អនុវត្ត​យ៉ាង​ផ្ចិត​ផ្ចង់​នូវ​គំនិត​អភិវឌ្ឍន៍​ដែល​ចាត់​ទុក​ប្រជាជន​ជា​ស្នូល គាំពារ​យ៉ាង​ប្រាកដ​ប្រជា​នូវ​សិទ្ធិ​និង​ផល​ប្រយោជន៍​ក្នុង​ជីវភាព​រស់​នៅ​របស់​ប្រជាជន ។ ទីបួន គឺ​បាន​ប្រកាន់​ខ្ជាប់​នូវ​ការ​គ្រប់​គ្រង​ស្ថាប័ន​តុលាការ​យ៉ាង​ម៉ឺង​ម៉ាត់ ដើម្បី​បង្កើត​ក្រុម​ការងារ​របស់​តុលាការ​ប្រជាជន​ដែល​មាន​ទឹក​ចិត្ត​ស្មោះ​សរ​និង​ស្អាត​ស្អំ ។ ទីប្រាំ គឺ​ទទួល​យក​ការ​ត្រួត​ពិនិយ្យ​ដោយ​ខ្លួនឯង​ ដើម្បី​ជំរុញ​ការ​ផ្តល់​យុត្តិធម៌​ដល់​ប្រជាជន​និង​មាន​ភាពយុតិ្តធម៌​ខាង​ផ្នែក​ច្បាប់ ៕

ទាក់ទង​ជាមួយ​យើង​ខ្ញុំ