ល្ងាចថ្ងៃទី៩ខេមីនា កិច្ចប្រជុំលើកទី៥នៃមហាសន្និបាតសភាប្រឹក្សានយោបាយប្រជាជនទូទាំងប្រទេសចិននីតិកាលទី១២បានបើកធ្វើសន្និសីទពេញអង្គលើកទី២នៅវិមានប្រជាជនក្រុងប៉េកាំង។ សមាជិកសភាចំនួន១៤រូបបានថ្លែងមតិក្នុងសន្និសីទអំពីកិច្ចកសាងសេដ្ឋកិច្ចនិងអេកូ-អរិយធម៌។
លោកLi Shouzhenបានតំណាងអគ្គសមាគមកម្មករទូទាំងប្រទេសចិនថ្លែងថា ត្រូវតែសម្រេចការធ្វើឲ្យប្រទេសចិនមានការលោតផ្លោះពីប្រទេសធំខាងវិស័យផលិតកម្មទៅកាន់ប្រទេសខ្លាំងខាងវិស័យផលិតកម្ម បង្កើតក្រុមពលករផ្នែកផលិតកម្មដែលមានលក្ខណៈសម្បត្តិខ្ពស់និងបណ្តុះបណ្តាលធនធានមនុស្សផ្នែកផលិតកម្មឲ្យបានកាន់តែច្រើន។ លោកបានស្នើសុំឲ្យអនុវត្តដោយប្រាកដប្រជានូវវិធានការកសាងក្រុមពលករផ្នែកផលិតកម្ម ដើម្បីបង្កបង្កើតជាបរិយាកាសដ៏ល្អប្រសើរដែលមិនមែនយកចិត្តទុកដាក់ចំពោះតែសញ្ញាបត្រនោះទេ តែក៏ឲ្យតម្លៃទៅលើសមត្ថភាពផងដែរ៕
