ថ្ងៃទី៨ខែមីនា កិច្ចប្រជុំលើកទី៥នៃមហាសន្និបាតសភាតំណាងប្រជាជនទូទាំងប្រទេសចិននីតិកាលទី១២បានធ្វើសន្និសីទសារព័ត៌មាននៅមជ្ឈមណ្ឌលព័ត៌មានសភាទាំង២ និងបានអញ្ជើញលោកវ៉ាងអ៊ីរដ្ឋមន្រ្តីការបរទេសចិនឲ្យចូលរួមការឆ្លើយតបនឹងសំណួររបស់អ្នកសារព័ត៌មានទាំងក្នុងនិងបរទេសអំពីគោលនយោបាយការទូតនិងទំនាក់ទំនងជាមួយក្រៅប្រទេសរបស់ប្រទេសចិន។
អ្នកសារព័ត៌មានសួរថា នៅខែឧសភាឆ្នាំនេះ ប្រទេសចិននឹងរៀបចំធ្វើវេទិកាកំពូលស្តីពីកិច្ចសហប្រតិបត្តិការអន្តរជាតិផ្នែកយុទ្ធសាស្រ្តខ្សែក្រវាត់មួយនិងផ្លូវមួយ តើភាគីចិនមានការគិតពិចារណាយ៉ាងណាចំពោះការរៀបចំធ្វើវេទិកាកំពូលក្នុងពេលនោះ? ហើយរំពឹងថានឹងអាចសម្រេបានចគោលដៅអ្វី?
លោកវ៉ាងអ៊ីបានឆ្លើយតបថា រយៈេពលជាង២ខែទៀត ប្រទេសចិននឹងរៀបចំធ្វើវេទិកាកំពូលស្តីពីកិច្ចសហប្រតិបត្តិការអន្តរជាតិផ្នែកយុទ្ធសាស្រ្តខ្សែក្រវាត់មួយនិងផ្លូវមួយនៅក្រុងប៉េកាំង យើងរំពឹងថាវេទិកាកំពូលនេះអាចសម្រេចនូវសមិទ្ធផល៣ផ្នែក ទី១គឺបូកសរុបមតិយោពលឯកភាពរួមរបស់បណ្តាភាគីនានា និងតភ្ជាប់ជាមួយយុទ្ធសាស្រ្តអភិវឌ្ឍរបស់ប្រទេសនានា។ ទី២រិះរកកិច្ចសហប្រតិបត្តិការលើវិស័យសំខាន់ៗ និងកំណត់កម្មវិធីសហប្រតិបត្តិការធំនិងសំខាន់។ ទី៣ លើកវិធានការសហប្រតិបត្តិការរយៈពេលមធ្យមនិងវែង ធ្វើការពិភាក្សាអំពីការបង្កើតយន្តការសហប្រតិបត្តិការដែលមានប្រសិទ្ធភាពរយៈពេលយូរផ្នែកយុទ្ធសាស្រ្តខ្សែក្រវាត់មួយនិងផ្លូវមួយ ក្នុងន័យបង្កើតជាំបណ្តាញទំនាក់ទំនងភាពជាដៃគូដែលកាន់តែមានភាពជិតស្និទ្ធនិងប្រាកដប្រជា៕