ថ្ងៃទី ៨ ខែមីនា ក្នុងសន្និសីទកាសែតនៃមហាសន្និបាតសភាទាំងពីររបស់ប្រទេសចិនលោកWang Yi រដ្ឋមន្រ្តីក្រសួងការបរទេសចិនបានថ្លែងថា ការដែលទំនាក់ទំនងរវាងប្រទេសចិននិងហ្វីលីពីនមានភាពល្អប្រសើរឡើងវិញបានលុបបំបាត់ស្រមោលខ្មៅនៃទំនាក់ទំនងរវាងប្រទេសចិននិងអាស៊ាន ។ ឆ្នាំ ២០១៦ ជាខួបទី ២៥ នៃការបង្កើតទំនាក់ទំនងសម្រាប់កិច្ចសន្ទនារវាងប្រទេសចិននិងអាស៊ាន ហើយឆ្នាំ ២០១៧ នេះជាខួបទី ៥០ នៃការបង្កើតសមាគមអាស៊ានផងដែរ ។ ប្រទេសចិននឹងផ្តល់ការគាំទ្រដល់ប្រទេសហ្វីលីពីនក្នុងការអនុវត្តឲ្យបានល្អប្រសើរនូវតួនាទីជាប្រទេសជាប្រធានផ្លាស់វេននៃសមាគមអាស៊ាន ព្រមនិងផ្តល់ជំនួយដល់អាស៊ានក្នុងការជំរុញការកសាងសហគមន៍អាស៊ាន ។ រួមសហការបង្កើនការផ្តល់ផលប្រយោជន៍ដល់គ្នានិងឈ្នះ-ឈ្នះ ធ្វើឲ្យការតភ្ជាប់គ្នានិងកិច្ចសហប្រតិបត្តិការផ្នែកសមត្ថភាពនិងផលិតកម្មមានភាពកាន់តែស៊ីជម្រៅ ជំរុញការអនុវត្តសមិទ្ធផលនៃការលើកកម្ពស់លំដាប់ថ្នាក់នៃតំបន់ពាណិជ្ជកម្មសេរីចិន-អាស៊ានឲ្យបានឆាប់រហ័ស និងជំរុញការចរចាRCEPឲ្យបញ្ចប់ក្នុងពេលដ៏ខ្លីខាងមុខនេះ ៕
 |  |  |  |  |  |
