ព្រឹកថ្ងៃទី៧ខែមីនា លោកស៊ី ជីនភីងប្រធានរដ្ឋចិនបានចូលរួមការពិនិត្យពិភាក្សាអំពីរបាយការណ៍ការងាររដ្ឋាភិបាលនៃគណៈប្រតិភូតំណាងរាស្រ្តខេត្តLiao Ningក្នុងកិច្ចប្រជុំលើកទី៥នៃមហាសន្និបាតសភាតំណាងប្រជាជនទូទាំងប្រទេសចិននីតិកាលទី១២ និងគូសបញ្ជាក់ថា កំណែទម្រង់រចនាសម្ព័ន្ធផ្នែកផ្គត់ផ្គង់ជាផ្លូវចាំបាច់ត្រូវតែដើរសម្រាប់ការអភិវឌ្ឍសេដ្ឋកិច្ចខេត្តLiao Ning។
ត្រូវជំរុញកំណែទម្រ់ងរចនាសម្ព័ន្ធផ្នែកផ្គត់ផ្គង់នៃខេត្តLiao Ningឲ្យបន្តទទួលបានការរីកចម្រើនថ្មី និងត្រូវប្តេជ្ញាចិត្តក្នុងការជំរុញឧស្សាហកម្មខេត្តLiao Ning។ ត្រូវក្តាប់ជាប់ជាសំខាន់នូវការផ្លាស់ប្តូររូបមន្តនិងលើកកម្ពស់លំដាប់ថ្នាក់នៃផលិតកម្ម ដើម្បីកកើតបានជាប្រព័ន្ធឧស្សាហកម្មដែលប្រកបដោយកម្លាំងប្រកួតប្រជែងនិងកម្លាំងទ្រទ្រង់ជាបន្តបន្ទាប់ ព្រមនិងជំរុញឲ្យកកើតជាឧស្សាហកម្មងើបឡើងថ្មីជាយុទ្ធសាស្រ្តដើម្បីដើរទន្ទឹមជាមួយនឹងផលិតកម្មប្រពៃណី។ ត្រូវចាត់ទុកសហគ្រាសកម្មសិទ្ធិរដ្ឋជាក្បាលម៉ាស៊ីននៃការជំរុញការអភិវឌ្ឍនៃសេដ្ឋកិច្ចខេត្តLiao Ning ពូនជ្រំកម្លាំងប្រកួតប្រជែងជាស្នូល ខិតខំប្រឹងប្រែងដើម្បីក្លាយជាកម្លាំងនាំមុខនៃការរអភិវឌ្ឍក្រោមការជំរុញនៃការច្នៃប្រឌិតថ្មី ក៏ដូចជាពន្លឿនការបណ្តុះបណ្តាលធនធានមនុស្សផ្នែកបច្ចេកវិទ្យាសហគ្រាសដែលប្រកបដោយស្មារតីច្នៃប្រឌិតថ្មីនិងសមត្ថភាពច្នៃប្រឌិតថ្មី៕
