នៅព្រឹកថ្ងៃទី ៦ ខែមីនា ពេលចូលរួមការពិនិត្យពិភាក្សាអំពីរបាយការណ៍ការងាររដ្ឋាភិបាលចិនរបស់គណៈប្រតិភូតំណាងរាស្រ្តខេត្តសានតុងដែលចូលរួមសន្និសីទលើកទី ៥ នៃសភាតំណាងប្រជាជនទូទាំងប្រទេសចិននិតីកាលទី ១២ ។ លោកLi Keqiang នាយករដ្ឋមន្រ្តីចិនបានថ្លែងថា របាយការណ៍ការងាររដ្ឋាភិបាលបានលើកឡើងថា ទិសដៅកំណើនសេដ្ឋកិច្ចក្នុង ២០១៧ នេះគឺប្រហែល ៦,៥ % ។ ប្រការនេះមិនគ្រាន់តែអាចរក្សាកំណើនសេដ្ឋកិច្ចនៅត្រឹមកម្រិតមធ្យមនិងខ្ពស់ ហើយសមស្របនឹងក្រឹត្យក្រមសេដ្ឋកិច្ចប៉ុណ្ណោះទេ ថែមទាំងមានកំណើនច្រើនជាងឆ្នាំទៅទៀតផង ដែលអាចផ្តល់ឱកាសការងារគ្រប់គ្រាន់បង្គួរផងដែរ ។
របាយការណ៍ការងាររដ្ឋាភិបាលឆ្នាំនេះបានកំណត់ទិសដៅកំណើនសេដ្ឋកិច្ចប្រហែល ៦,៥ % បើប្រៀបធៀបនឹងឆ្នាំទៅ បានសម្រួលបញ្ចុះចំនួនតិចតួច ។ ទាក់ទិននឹងការកែសម្រួលលើកនេះ លោកLi Keqiangបានថ្លែងថា យើងធ្វើការកែសម្រួលបន្តិចនូវកំណើនសេដ្ឋកិច្ចគឺដើម្បីផ្តោតការយកចិត្តទុកដាក់កាន់តែច្រើនទៅលើគុណភាពនិងប្រសិទ្ធភាព ចាត់ទុកគុណភាពនិងប្រសិទ្ធភាពជាស្នូល ។ ការស្តារឡើងវិញនូវសេដ្ឋកិច្ចជាក់ស្តែងត្រូវការសម្រេចការផ្លាស់ប្តូររូបមន្តនិងលើកកម្ពស់លំដាប់ថ្នាក់ ត្រូវការបោះជំហានទៅកាន់ថ្នាក់មធ្យមនិងខ្ពស់ ៕
