ថ្ងៃទី៦ខែមីនា អ្នកទទួលខុសត្រូវពាក់ព័ន្ធនៃក្រសួងការពារជាតិចិនបានថ្លែងថា បើកតាមការរៀបចំចាត់ចែងនៃថវិកាហិរញ្ញវត្ថុចិនប្រចាំឆ្នាំ២០១៧ ការចំណាយផ្នែកការពារជាតិមានប្រហែល១លាន ៤ម៉ឺន៤ពាន់៣៩៧លានយាន់ប្រាក់ចិន កើនជាងឆ្នាំទៅចំនួន៧%។ អ្នកទទួលខុសត្រូវរូបនេះបានបង្ហើបឲ្យដឹងអំពីទិន្ន័យទាំងនេះនៅពេលផ្តល់បទសម្ភាសន៍ជាមួយអ្នកសារព័ត៌មានអំពីបញ្ហាថវិកាផ្នែកការពារជាតិចិនប្រចាំឆ្នាំ២០១៧នាថ្ងៃដដែល។
អ្នកទទួលខុសត្រូវរូបនេះបានថ្លែងថា រដ្ឋាភិបាលចិនប្រកាន់ខ្ជាប់នូវគោលណែនាំដែលកិច្ចកសាងសេដ្ឋកិច្ចនិងកិច្ចការពារជាតិអភិវឌ្ឍដោយស៊ីសង្វាក់គ្នា ដូច្នេះគឺអនុលោមតាមកម្រិតអភិវឌ្ឍសេដ្ឋកិច្ចជាតិនិងតម្រូវការផ្នែកកិច្ចការពារជាតិមកកំណត់ការចំណាយផ្នែកការពារជាតិប្រចាំឆ្នាំដោយសមរម្យ។
អ្នកទទួលខុសត្រូវរូបនេះបានថ្លែងទៀតថា ថវិកាការពារជាតិដែលបន្ថែមក្នុងឆ្នាំ២០១៧ នឹងប្រើប្រាស់ជាសំខាន់សម្រាប់ការផ្តល់ការគាំទ្រដល់ការធ្វើឲ្យជម្រៅនូវកំណែទម្រង់ការពារជាតិនិងកងទ័ព ជំរុញការអភិវឌ្ឍដោយស៊ីជម្រៅនូវការរួមបញ្ចូលគ្នារវាងកងទ័ពនិងប្រជាជន ក៏ដូចជាកែលម្អលក្ខណៈសម្បត្តិការងារ ការហ្វឹកហាត់និងការធានាផ្នែករស់នៅរបស់កងទ័ពតាមមូលដ្ឋានផងដែរ៕