នៅល្ងាចថ្ងៃទី៥ខែមីនា ពេលចូលរួមការពិនិត្យពិភាក្សារបស់គណៈប្រតិភូតំណាងរាស្រ្តសៀងហៃនៃកិច្ចប្រជុំលើកទី៥របស់សភាតំណាងប្រជាជនទូទាំងប្រទេសចិននីតិកាលទី១២ លោកស៊ី ជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មាធិការយោធាចិនបានគូសបញ្ជាក់ថា ត្រូវតែអនុវត្តជាក់ស្តែងនូវញ្ញាណទស្សនៈអភិវឌ្ឍន៍ថ្មី ធ្វើឲ្យស៊ីជម្រៅនូវកំណែទម្រង់និងបើកចំហ ណែនាំចំពោះការជំរុញការអភិវឌ្ឍដោយច្នៃប្រឌិតថ្មី បង្កើនឥតឈប់ឈរនូវកម្លាំងទាក់ទាញ សមត្ថភាពបង្កើតនិងកម្លាំងប្រកួតប្រជែង សំដៅពន្លឿនកិច្ចកសាងទីក្រុងទំនើបលំដាប់អន្តរជាតិ។
លោកស៊ី ជីនភីងបានថ្លែងថា លោកសង្ឃឹមថាតំណាងរាស្រ្តក្រុងសៀងហៃបន្តអនុលោមតាមសំណូមពរស្តីពីការបំពេញការងារឲ្យបានល្អក្នុងឋានៈជាអ្នកនាំមុខនៃកំណែទម្រង់និងបើកចំហទូទាំងប្រទេស ក៏ដូចជាអ្នកនាំមុខផ្នែកអភិវឌ្ឍដោយច្នៃប្រឌិតថ្មី ដើម្បីទទួលបានសមិទ្ធផលថ្មីក្នុងការធ្វើឲ្យស៊ីជម្រៅនូវកំណែទម្រង់ចំពោះតំបន់សាកល្បងផ្នែកពាណិជ្ជកម្មសេរី ទទួលបានសមិទ្ធផលថ្មីក្នុងការជំរុញកិច្ចកសាងជាស្នូលនៃការច្នៃប្រឌិតថ្មីដោយបច្ចេកវិទ្យា ទទួលបានសមិទ្ធផលថ្មីក្នុងការជំរុញការច្នៃប្រឌិតថ្មីនៃអភិបាលកិច្ចសង្គម ព្រមនិងទទួលសមិទ្ធផលថ្មីក្នុងការគ្រប់គ្រងបក្សដោយតឹងរ៉ឹងគ្រប់ជ្រុងជ្រោយ៕
