រសៀលថ្ងៃទី ៥ ខែមីនា លោកWang Qishan សមាជិកគណអចិន្រ្តៃយ៍នៃការិយាល័យនយោបាយគណៈកម្មាធិការមជ្ឈិមបក្សកុម្មុយនិស្តចិននិងជាលេខាធិការគណៈកម្មាធិការត្រួតពិនិត្យវិន័យនៃគណៈកម្មាធិការមជ្ឈិមបក្សកុម្មុយនិស្តចិនបានចូលរួមការពិនិត្យពិភាក្សានៃគណៈប្រតិភូតំណាងរាស្រ្តប៉េកាំង ។ លោកបានគូសបញ្ជាក់ថា ការស្វែងរកមធ្យោបាយដែលមានប្រសិទ្ធភាពសម្រាប់ត្រួតពិនិត្យនិងគ្រប់គ្រងដោយខ្លួនឯងក្រោមលក្ខខណ្ឌដែលបក្សកុម្មុយនិស្តជាបក្សកាន់អំណាចរយៈពេលយូរ គឺពាក់ព័ន្ធនឹងការប្រកាន់ខ្ជាប់និងការពង្រឹងសមត្ថភាពដឹកនាំរបស់បក្ស ពាក់ព័ន្ធនឹងការលើកកម្ពស់សមត្ថភាពកាន់អំណាចនិងកម្រិតអភិបាលកិច្ចរបស់បក្ស ត្រូវតែមានក្តីក្លាហានក្នុងការធ្វើបដិវត្តន៍ចំពោះខ្លួនឯង ធ្វើឲ្យការកែទម្រង់យន្តការត្រួតពិនិត្យនិងអភិបាលកិច្ចប្រទេសជាតិមានភាពកាន់តែស៊ីជម្រៅ ព្រមនិងបង្កើតយន្តការការងារសម្រាប់ប្រឆាំងអំពើពុករលួយដែលដឹកនាំដោយបក្ស ។
លោក Wang Qishan បានចង្អុលបង្ហាញថា ត្រូវធ្វើការគួបផ្សំគ្នារវាងការគ្រប់គ្រងបក្សយ៉ាងតឹងរ៉ឹងគ្រប់ជ្រុងជ្រោយ ជាមួយនឹងការធ្វើឲ្យកំណែទម្រង់មានភាពកាន់តែស៊ីជម្រៅដោយគ្រប់ជ្រុងជ្រោយ និងការធ្វើឲ្យមាននីតិរដ្ឋដោយគ្រប់ជ្រុងជ្រោយ ឆ្លងតាមរយៈការតាក់តែងច្បាប់ត្រួតពិនិត្យនិងគ្រប់គ្រងប្រទេស ផ្តល់សិទ្ធិពិនិត្យអង្កេតដ៏ចាំបាច់ដល់គណៈកម្មាធិការត្រួតពិនិត្យនិងគ្រប់គ្រង ធ្វើឲ្យសេចក្តីផ្តួចផ្តើមរបស់បក្សក្លាយទៅជាឆន្ទៈរបស់ជាតិ ៕
