លោក Li Keqiang នាយករដ្ឋមន្ត្រីចិននិយាយអំពីការងារនៃតំបន់ហុងកុងម៉ាកាវនិងតៃវ៉ាន់

ថ្ងៃទី៥ខែមីនា ពេលធ្វើរបាយការណ៍ការងាររដ្ឋាភិបាល លោក Li Keqiang នាយករដ្ឋមន្ត្រីចិនបានឧទ្ទេសនាមអំពីគោលលំនាំការងារនៃតំបន់ហុងកុង ម៉ាកាវនិងតៃវ៉ាន់ ។ លោកថ្លែងថា យើងត្រូវបន្តអនុវត្តដោយគ្រប់ជ្រុងជ្រោយនូវគោលនយោបាយប្រទេសមួយអនុវត្តប្រព័ន្ធ២ ប្រជាជនហុងកុងគ្រប់គ្រងហុងកុង ប្រជាជនម៉ាកាវគ្រប់គ្រងម៉ាកាវ និងគោលណែនាំដែលប្រកបដោយស្វ័យភាពខ្ពស់ អនុវត្តការងារតាមរដ្ឋធម្មនុញ្ញនិងច្បាប់មូលដ្ឋានដោយម៉ឺងម៉ាត់ ធានាឲ្យការអនុវត្តគោលនយោបាយប្រទេសអនុវត្តប្រព័ន្ធ២នៅហុងកុងនិងម៉ាកាវដោយឥតងាករេ។យើងត្រូវប្រកាន់ខ្ជាប់គោលការណ៍ប្រទេសចិនតែមួយ គាំពារមូលដ្ឋាននយោបាយនៃមតិឯកភាពរួមឆ្នាំ១៩៩២ គាពារអធិបតេយ្យភាពជាតិនិងបូរណភាពទឹកដី គាំពារទំនាក់ទំនងរវាងត្រើយទាំងសងនៃច្រកសមុទ្រតៃវ៉ាន់និងការអភិវឌ្ឍន៍ដោយសន្តិភាពព្រមទាំងសន្តិភាពនិងស្ថិរភាពនៅសមុទ្រតៃវ៉ាន់។ប្រឆាំងនិងទប់ស្កាត់យ៉ាងដាច់ខាតចំពោះសកម្មភាពអបគមនិយមរបស់ពួកទាមទារឲ្យតៃវ៉ាន់ឯករាជ្យ មិនអនុញ្ញតឲ្យបុគ្គលណាម្នាក់បំបែកតៃវ៉ាន់ចេញពីចិនដីគោកតាមវិធីណានិងក្នុងនាមអ្វីដ៏ដោយ៕