ថ្ងៃទី៥ខែមីនា លោក Li Keqiang នាយករដ្ឋមន្ត្រីចិនបានថ្លែងនៅពេលធ្វើរបាយការណ៍ការងាររដ្ឋាភិបាលថា
ក្នុងរយៈពេលមួយឆ្នាំកន្លងទៅ វិស័យការទូតនៃមហាប្រទេសដែលមានលក្ខណៈពិសេសរបស់ប្រទេសចិនទទួលបានសមិទ្ធផលយ៉ាងលេចធ្លោ ។
អ្នកដឹកនាំរដ្ឋ មានលោក Xi Jinping ប្រធានរដ្ឋចិនជាដើមបានទៅបំពេញទស្សនកិច្ចនៅប្រទេសជាច្រើន និងចូលរួមសនិ្នសីទក្រៅផ្លូវការនៃអ្នកដឹកនាំអង្គការសហប្រតិបតិ្តការសេដ្ឋកិច្ចអាស៊ីប៉ាស៊ីហ្វីក សនិ្នសីទកំពូលអង្គការសហប្រតិបត្តិការសៀងហៃ កិច្ចជំនួបអ្នកដឹកនាំប្រទេសBRICS សន្និសីទកំពូលស្តីពីសនិ្តសុខនុយក្លេអ៊ែរ ព្រមនិងសនិ្នសីទជាន់ខ្ពស់មួយចំនួននៃអង្គការសហប្រជាជាតិ សនិ្នសីទកំពូលអាស៊ី–អឺរ៉ុបសនិ្នសីទពាក់ព័ន្ធមួយចំនួនរបស់អ្នកដឹកនាំនៃកិច្ចសហប្រតិបតិ្តការអាស៊ីបូព៌ា ព្រមនិងសកម្មភាពសំខាន់ៗមួយចំនួនទៀត ។ ប្រទេសចិនបានរៀបចំដោយជោគជ័យនូវសន្និសីទលើកដំបូងសម្រាប់អ្នកដឹកនាំនៃកិច្ចសហប្រតិបតិ្តការទន្លេឡានឆាង–មេគង្គ។ ជំរុញកិច្ចព្រមព្រៀងក្រុងប៉ារីសឲ្យបានចូលជាធរមាន។ ក្នុងឋានៈជាប្រទេសដែលមានភាពទទួលខុសត្រូវ ប្រទេសចិនបានដើរតួនាទីមានលក្ខណៈស្ថាបនាទាំងក្នុងកិច្ចការអន្តរជាតិនិងតំបន់ បានរួមចំណែកសំខាន់ដើម្បីសនិ្តភាពនិងវឌ្ឍនភាពរបស់ពិភពលោក ៕
