លោក Li Keqiangថ្លែងថា ក្នុងឆ្នាំ២០១៦ ផែនការអភិវឌ្ឍន៍ជាតិ៥ឆ្នាំទី១៣មានការចាប់ផ្តើមដ៏ល្អប្រសើរ

ថ្ងៃទី៥ខែមីនា លោក Li Keqiang នាយករដ្ឋមន្ត្រីចិនបានថ្លែងនៅពេលធ្វើរបាយការណ៍ការងាររដ្ឋាភិបាលថា ក្នុងឆ្នាំ២០១៦ដែលកន្លងផុតទៅនេះ ភារកិច្ចជាគោលដៅសំខាន់នៃការអភិវឌ្ឍសេដ្ឋកិច្ចនិងសង្គមកិច្ចទូទាំងឆ្នាំសម្រេចបានដោយគាប់ប្រសើរ ផែនការអភិវឌ្ឍន៍ជាតិ៥ឆ្នាំទី១៣មានការចាប់ផ្តើមដ៏ល្អប្រសើរ។សេដ្ឋកិច្ចមានដំណើរការយឺតតែមានលំនឹងជាបណ្តើរៗ ដែលបានបង្ហាញឲ្យឃើញនូវភាពល្អប្រសើរ។ តម្លៃផលិតផលក្នុងស្រុកសរុបមានដល់ទៅ៧៤,៤ទ្រីលានយាន់ប្រាក់ចិន មានកំណើន៦,៧% ឈរនៅលំដាប់នាំមុខលើពិភពលោក អត្រារួមវិភាគទានចំពោះកំណើនសេដ្ឋកិច្ចពិភពលោកលើសពី៣០% ។ កំណែទម្រង់និងការបើកចំហត្រូវបានជំរុញដោយស៊ីជម្រៅ។ការកែសម្រួលរចនាសម្ព័ន្ធសេដ្ឋកិច្ចត្រូវបានពន្លឿនថែមទៀត។កម្លាំងចលករថ្មីនៃការអភិវឌ្ឍត្រូវបានបង្កើនឡើងឥតឈប់ឈរ។សមត្ថភាពទ្រទ្រង់ផ្នែកហេដ្ឋារចនាសម្ព័ន្ធបានត្រូវលើកកម្ពស់ជាបន្តបន្ទាប់។ជីវភាពរស់នៅរបស់ប្រជាជនត្រូវបានកែលម្អថែមទៀត។