ព្រឹកថ្ងៃទី៤ខែមីនា លោកស្រី Fu ying អ្នកនាំពាក្យនៃមហាសន្និបាតលើកទី៥នីតិកាលទី១២របស់សភាតំណាងប្រជាជនទូទាំងប្រទេសចិនបានឧទ្ទេសនាមក្នុងសន្និសីទប្រកាសព័ត៌មានថា មហាសន្និបាតលើកនេះគឺសម្ពោធបើកនៅព្រឹកថ្ងៃទី៥ខែមីនា ហើយបិទសម័យប្រជុំនៅព្រឹកថ្ងៃទី១៥ខែមីនា ។
លោកស្រី Fu ying បានឧទ្ទេសនាមថា មហាសន្និបាតលើកនេះ ក្រៅពីត្រូវពិនិត្យពិភាក្សារបាយការណ៍ចំនួន៦ដែលរួមមានរបាយការណ៍ការងាររដ្ឋាភិបាល នៅត្រូវពិនិត្យពិភាក្សាពង្រាងគោលការណ៍ទូទៅនៃច្បាប់រដ្ឋប្បវេណីនិងគម្រោងពិភាក្សាចំនួន៣ដែលពាក់ព័ន្ធនឹងការបោះឆ្នោតជ្រើសរើសតំណាងនៃសភាតំណាងប្រជាជនទូទាំងប្រទេសចិននីតិកាលទី១៣ផងដែរ ។
លោកស្រីថ្លែងទៀតថា នៅក្នុងពិធីបិទសម័យប្រជុំនៅព្រឹកថ្ងៃទី១៥ខែមីនា លោក Li Keqiang នាយករដ្ឋមន្ត្រីចិននឹងជួបជាមួយអ្នកសារព័ត៌មានចិននិងបរទេស ។
