ថ្ងៃទី២៧ខែកុម្ភៈ លោក GengShuangអ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំថា ផ្លូវដែកល្បឿនលឿនពីម៉ាឡេស៊ីទៅសឹង្ហបូរីមានអត្ថន័យដ៏សកម្មសម្រាប់ការជំរុញការតភ្ជាប់តំបន់ ហើយជាគម្រោងកិច្ចសហការសំខាន់មួយក្រោមក្របខណ្ឌផ្លូវមួយនិងខ្សែក្រវ៉ាត់មួយ។
លោក GengShuangបន្តថា ប្រទេសទាំងពីរចិននិងសឹង្ហបូរីមានយុទ្ធសាស្រ្តអភិវឌ្ឍន៍ដែលត្រូវរ៉ូវគ្នាខ្លាំងណាស់ ហើយមានអនាគតដ៏ទូលំទូលាយក្នុងការជំរុញកិច្ចសហការក្នុងវិស័យហេដ្ឋារចនាសម្ព័ន្ធ បច្ចេកវិទ្យាព័ត៌មាននិងហិរញ្ញវត្ថុជាដើមក្រោមក្របខណ្ឌផ្លូវមួយនិងខ្សែក្រវ៉ាត់មួយ។ជឿជាក់ថា ក្រោមការខិតខំប្រឹងប្រែងរួមគ្នារវាងភាគីទាំងពីរ ទំនាក់ទំនងរវាងប្រទេសចិននិងសឹង្ហបូរីអាចទទួលការអភិវឌ្ឍន៍កាន់តែធំ។