លោកប្រធានក្រុមប្រាក់អឺរ៉ូដាស់តឿនម្ចាស់បំណុលរៀបចំការសន្ទនាឡើងវិញជាមួយប្រទេសក្រិចក្នុងពេលឆាប់ៗ

កាលពីថ្ងៃទី ២៦ ខែមករា សន្និសីទរដ្ឋមន្ត្រីហិរញ្ញវត្ថុនៃតំបន់ប្រាក់អឺរ៉ូបានបើកធ្វើនៅប្រុចសែល លោកJeroen Dijsselbloem ប្រធានក្រុមប្រាក់អឺរ៉ូបានថ្លែងនៅក្នុងសន្និសីទប្រកាសព័ត៌មានថា ម្ចាស់បំណុលតំបន់ប្រាក់អឺរ៉ូគួរតែបញ្ចប់ការងារពិនិត្យកំណែទម្រង់វគ្គទី ២ ចំពោះប្រទេសក្រិចក្នុងពេលឆាប់ៗ ការនេះនឹងមានតួនាទីទ្រទ្រង់ចំពោះសេដ្ឋកិច្ចក្រិចដែលកំពុងមាននិន្នាការអភិវឌ្ឍដ៏សកម្ម ដោយសមស្របផលប្រយោជន៍ភាគីនានា ។

លោកJeroen Dijsselbloem ថ្លែងថា សេដ្ឋកិច្ចក្រិចកំពុងងើបឡើងវិញដោយហួសការប្រមាណ ហើយចំពោះភាពជាក់ស្តែងខាងហិរញ្ញវត្ថុក៏ល្អជាងការប៉ាន់ប្រមាណដែរ ដូច្នេះ តំណាងនៃម្ចាស់បំណុលត្រូវតែវិលទៅកាន់ក្រុងAthens វិញក្នុងពេលឆាប់ៗ ដើម្បីឲ្យភាគីទាំងពីរធ្វើការសន្ទនាគ្នាដ៏មានលក្ខណៈកសាងអំពីបញ្ហាដែលមិនទាន់បានដោះស្រាយ ៕