ថ្ងៃទី ៧ ខែកញ្ញា សន្និសីទថ្នាក់ដឹកនាំចិន-អាស៊ានលើកទី ១៩ និងសន្និសីទកំពូលស្តីពីការរំលឹកខួបទី ២៥ នៃការបង្កើតទំនាក់ទំនងសម្រាប់កិច្ចសន្ទនាចិន-អាស៊ានបានបើកធ្វើនៅក្រុងវៀងចន្ទន៍ រដ្ឋធានីប្រទេសឡាវ ។ លោកLi Keqiang នាយករដ្ឋមន្រ្តីចិននិងថ្នាក់ដឹកនាំនៃបណ្តាប្រទេសអាស៊ាននានាបានអញ្ជើញចូលរួមសន្និសីទ ។ បន្ទាប់ពីកិច្ចប្រជុំ ប្រទេសឡាវដែលជាប្រទេសប្រធានឆ្លាស់វេននៃសន្និសីទបានចេញសេចក្តីថ្លែងការណ៍របស់ប្រធាន ។
សេចក្តីថ្លែងការណ៍បានវាយតម្លៃជាវិជ្ជមានចំពោះសមិទ្ធផលដ៏ធំធេងនៃទំនាក់ទំនងចិន-អាស៊ានក្នុងរយៈពេល ២៥ ឆ្នាំកន្លងមក ហើយបង្ហាញថា ទំនាក់ទំនងចិន-អាស៊ានជាទំនាក់ទំនងមួយដែលសម្បូរបែបនិងប្រកបដោយភាពរស់រវើកបំផុត បានសកម្មរួមវិភាគទានចំពោះសុខសន្តិភាព ស្ថិរភាព និងភាពរុងរឿងក្នុងតំបន់ ។ ថ្នាក់ដឹកនាំអាស៊ានសូមកោតសរសើរចំពោះភាគីចិនដែលបានផ្តល់ការគាំទ្រដល់ការកសាងសហគមន៍អាស៊ាន និងគាំទ្រឋានៈជាស្នូលរបស់អាស៊ានសម្រាប់កិច្ចសហប្រតិបត្តិការក្នុងតំបន់ ៕
