បន្ទាប់ពីពិគ្រោះពិភាក្សាអស់រយៈពេល២១ម៉ោងមុនពេលបោះឆ្នោត ព្រឹកព្រលឹមថ្ងៃទី១២ខែឧសភា ព្រឹទ្ធសភាប្រទេសប្រេស៊ីលបានបោះឆ្នោតអនុម័តលើសំណុំរឿងចោទប្រកាន់ទម្លាក់ពីមុខតំណែងដែលចំពោះលោកស្រីRousseffប្រធានាធិបតី ដូច្នេះហើយលោកស្រីRousseffនឹងត្រូវបង្ខំឲ្យចាកចេញពីមុខតំណែងរយៈពេលយូរបំផុតដល់ទៅ១៨០ថ្ងៃ ចំណែកលោក Michel Temerអនុប្រធានាធិបតីនឹងកាន់មុខតំណែងជាប្រធានាធិបតីស្តីទី ។
ព្រឹកថ្ងៃទី១២ខែឧសភា ព្រឹសភាប្រេស៊ីលនឹងជូនដំណឹងដល់លោកស្រីRousseffឲ្យឈប់ពីមុខតំណែងនិងឲ្យលោកTemerកាន់មុខតំណែងជាប្រធានាធិបតីស្តីទី ។ ភាគីលោកTemerបានបង្ហាញថានឹងឡើងកាន់មុខតំណែងជំនួសដោយស្ងាត់ៗ ហើយថ្លែងសុន្ទរកថាឡើងកាន់មុខតំណែងតាមនិតិវិធី ប្រកាសគម្រោងធ្វើកំណែទម្រង់មួយចំនួននិងរៀចចំរដ្ឋាភិបាលថ្មី ។
បើសិនជាការបោះឆ្នោតពេញអង្គលើកទី២នៅតែធ្វើតាមរបៀបងាយៗដោយអនុម័តតាមសំឡេងភាគច្រើនដដែល អញ្ចឹងកិច្ចប្រជុំពេញអង្គនៃព្រឹទ្ធសភានឹងធ្វើការបោះឆ្នោតចុងក្រោយក្រោមអធិបតីរបស់តុលាកាកំពូលសហព័ន្ធ ដើម្បីវិនិច្ឆ័យកំណត់ថាប្រធានាធិបតីមានទោសឬអត់ ។ ក្នុងការបោះឆ្នោតលើកនេះ បើសិនជាមានសមាជិកព្រឹទ្ធសភាចំនួន២ភាគ៣សម្គាល់ថាមានទោស នោះលោកស្រីRosseffនឹងត្រូវដកចេញពីមុខតំណែង ហើយមិនអាចកាន់មុខងារក្នុងរដ្ឋាភិបាលអំឡូងពេល៨ឆ្នាំ ចំណែកលោកTemerនឹងឡើងកាន់មុខតំណែងប្រធានាធិបតីជាផ្លូវការរហូតដល់ចប់អាណត្តិនេះ ។
បើសិនជាក្នុងការបោះឆ្នោត២លើកនេះមានមួយលើកមិនបានអនុម័តលើសំណុំរឿងចោទប្រកាន់ទម្លាក់ពីមុខតំណែង អញ្ចឹងសំណុំរឿងនេះនឹងត្រូវបញ្ឈប់ភ្លាម ហើយលោកស្រីRousseffនឹងបន្តកាន់មុខតំណែងជាប្រធានាធិបតីដដែលវិញ ៕
