អ្នក​ជំនាញ​ការ​ប្រទេស​ថៃ​ ៖  កិច្ចសហប្រតិបត្តិការ​ឡាន​ឆាង​-​មេគង្គ​នឹង​ជំរុញឲ្យ​​ប្រទេស​ក្នុង​តំបន់​​សម្រេច​បាន​​ភាព​ឈ្នះ​-​ឈ្នះ​ក្នុង​កិច្ចសហប្រតិបត្តិការ​
2016-03-21 16:48:13  cri  Web Editor:Zhai Qianqian

​​សន្និសីទ​ថ្នាក់​ដឹក​នាំ​​ស្តីពី​កិច្ចសហប្រតិបត្តិការ​ទន្លេ​ឡានឆាង​-​មេគង្គ​​លើក​ទី​ ១ ​នឹង​បើក​ធ្វើ​នៅ​ក្រុង​សានយ៉ា​ ខេត្ត​ហៃណាន​ ប្រទេស​ចិន​នៅ​​ថ្ងៃទី ២៣​ ខែ​មីនា ឆ្នាំ​ ២០១៦​ នេះ​​ ។​ ពេល​ថ្មីៗ​​កន្លង​មក​នេះ​ លោក​Wichi Kinchong Choi​ អគ្គនាយក​​រង​​ជាន់​ខ្ពស់​នៃ​ធនាគារ​Kasikornbankប្រទេស​ថៃ​បាន​ថ្លែង​ថា​ យន្តការ​​​​សហប្រតិបត្តិការ​រវាង​ប្រទេស​ចិននិង​ប្រទេសតាម​បណ្តោយ​​ទន្លេ​​មេគង្គ​នឹង​មាន​អំណោយ​ផល​ដល់​ការ​បង្កើន​​ការ​កសាង​ទំនុក​ចិត្ត​លើ​គ្នា​ទៅវិញ​ទៅមក​ផ្នែក​នយោបាយ ​ ជំរុញ​កិច្ចសហប្រតិបត្តិការ​ជាក់​ស្តែង​ បង្កើន​ការ​យល់​ដឹង​ពី​​គ្នា​​ ព្រម​និង​សម្រេចការ​ផ្តល់ផល​ប្រយោជន៍​ដល់​គ្នា​និង​ភាព​ឈ្នះ​​-​ឈ្នះ​​រវាង​បណ្តា​ប្រទេស​​មាន​ពាក់​ព័ន្ធ ។ 

លោក​ Wichi Kinchong Choi​ ​​បាន​ថ្លែង​ថា យន្តការ​​​សហប្រតិបត្តិការ​ឡានឆាង​-​មេគង្គ​នឹង​មាន​អំណោយ​ផល​ដល់​ការ​ជំរុញឲ្យ​​​គ្រប់​អង្គភាព​សេដ្ឋកិច្ច​ដែល​មាន​កម្រិត​អភិវឌ្ឍ​ខុស​​គ្នា​ក្នុង​តំបន់​សម្រេច​ការ​បំពេញ​បន្ថែម​គ្នា​ទៅវិញ​ទៅ​មក​​ និង​អភិវឌ្ឍ​ដោយ​មាន​តុល្យភាព​ ។​ លោក​មាន​ប្រសាសន៍​បន្ត​ថា​ ប្រទេស​ចំនួន​ ៦​ តាម​បណ្តោយ​ទន្លេឡានឆាង​-​​មេគង្គ​ឆ្លង​តាម​រយៈ​យន្តការ​​​​សហប្រតិបត្តិការ​​​ឡានឆាង​-​​មេគង្គ​ ដើម្បី​បង្កើន​កិច្ចសហប្រតិបត្តិការ​ខាង​ផលិតភាព​ ចាត់​ចែង​ធនធាន​ផលិតកម្ម​​ដោយ​សមរម្យ​ និង​បង្កើន​សមត្ថភាព​​ប្រកួត​ប្រជែង​​លើ​ទី​ផ្សារ​របស់​ប្រទេស​​ពាក់​ព័ន្ធ​ ។​ ព្រម​ពេល​ជា​មួយ​គ្នា​ យន្តការ​​សហប្រតិបត្តិការ​​​ឡានឆាង​-​មេគង្គ​ក៏​មានអត្ថប្រយោជន៍ ដល់​ការ​ជំរុញ​ការ​អភិវឌ្ឍ​សេដ្ឋកិច្ច​របស់​ប្រទេស​មីយ៉ាន់ម៉ា​ ឡាវ​ កម្ពុជា​ និង​វៀតណាម​ និង​ជំរុញ​ឲ្យ​ប្រទេស​ទាំង​នេះ​អាច​រួម​បញ្ចូល​ជា​មួយ​​សហគមន៍​សេដ្ឋកិច្ច​អាស៊ាន​បាន​កាន់​តែ​ល្អ​ថែម​ទៀតផង​​ ៕

ទាក់ទង​ជាមួយ​យើង​ខ្ញុំ