សន្និសីទលើកទី១៤នៃគណៈកម្មាធិការអចិន្ត្រៃយ៍សភាប្រឹក្សានយោបាយប្រជាជនទូទាំងប្រទេសចិនអាណត្តិទី១២បានបិទសម័យប្រជុំ

រសៀលថ្ងៃទី២៩ខែកុម្ភៈ សន្និសីទលើកទី១៤នៃគណៈកម្មាធិការអចិន្ត្រៃយ៍នៃសភាប្រឹក្សានយោបាយប្រជាជនទូទាំងប្រទេសចិនអាណត្តិទី១២បានបិទសម័យប្រជុំនៅក្រុងប៉េកាំង ។ លោក Yu Zhengsheng ប្រធានសភាប្រឹក្សានយោបាយប្រជាជនទូទាំងប្រទេសចិនបានធ្វើជាអធិបតីហើយថ្លែងសុន្ទរកថានៅក្នុងសន្និសីទនោះថា មហាសន្និបាតលើកទី៤នៃសភាប្រឹក្សានយោបាយប្រជាជនទូទាំងប្រទេសចិនអាណត្តិទី១២ជិតនឹងសម្ពោធបើក មហាសន្និបាតលើកនេះគឺបើកធ្វើក្នុងស្ថានការណ៍ថ្មីដែលការកសាងសង្គមធូរធាល្មមដោយគ្រប់ជ្រុងជ្រោយឈានចូលដំណាក់កាលផ្តាច់ព្រ័ត្រ គឺមានសារសំខាន់ខ្លាំងចំពោះការបង្រួបបង្រួមគំនិត លើកទឹកចិត្តមនុស្ស និងប្រមូលផ្តុំកម្លាំង ។ មជ្ឈិមបក្សបានយកចិត្តទុកដាក់ខ្ពស់ចំពោះការបើកធ្វើមហាសន្និបាតលើកនេះឲ្យបានល្អ លោក Xi Jinping អគ្គលេខាធិការបានចេញបទបញ្ជាប្រកបដោយខ្លឹមសារដ៏សំខាន់ ។ យើងត្រូវរៀនសូត្រនិងយល់ដឹងយ៉ាងម៉ត់ចត់ ហើយក្តាប់ជាប់ការអនុវត្តជាក់ស្តែងឲ្យបានល្អ ។